" မမလေးတော့ သေပြီ။ ကျွန်မတို့ ဘယ်လိုလုပ်ကြမလဲ ? "
" ဟွန့် နင် ဘာတွေ ကြောက်နေတာလဲ ? သူ(မ)သေပြီ ဆိုတော့ ယန်သခင်လေးကို လက်ထပ်ရမယ့်သူက ငါဖြစ်လာမှာလေ "
" ဒါပေမယ့် သခင်မကြီးသာ ကျွန်မတို့လုပ်ခဲ့တာတွေကို ရှာတွေ့သွားရင်ရော "
" ဒါပေမယ့်တွေ ဘာတွေ လုပ်မနေစမ်းပါနဲ့။ နင်တစ်ယောက်ယောက်ကိုသာ ပြောရဲပြောကြည့် နင့်မောင်လေးရဲ့ဆေးကုသမှုကို နှုတ်ဆက်ရပြီသာမှတ် "
သူတို့နှစ်ယောက်ရဲ့ တီးတိုးစကားသံတွေက စုန့်ကျားရန်ရဲ့ နားထဲဝင်လာတဲ့အခါမှာတော့ သူ(မ)မျက်မှောင်ကြုတ်မိတယ်။ ဒါပေမယ့်လို့ သူ(မ)ဘယ်လောက်ပဲ ကြိုးစားကြိုးစား မျက်လုံးဘယ်လိုမှ ဖွင့်လို့မရဘူး။
အချိန်အနည်းငယ် အကြာမှာတော့ ရုတ်တရက်ဆိုသလို သူ(မ)ဖျက်ခနဲ နိုးလာပြီး အသက်ရှိုက်ကြီးတငင်ရှူနေရတယ်။ ပြီးတော့ သူ(မ)နှလုံးတွေ တအားခုန်နေတယ်။
သူ(မ)ပတ်ဝန်းကျင်ဟာ အမှောင်အတိဖြစ်လို့နေတယ်။ သူ(မ)ခန္ဓာကိုယ်ကို လှုပ်ရှားကြည့်ပေမယ့်လို့ အရမ်းကို လေးလံနေတယ်။ ပြီးတော့ အချိန်နဲ့အမျှ နာကျင်နေတယ်။ ဘာတွေဖြစ်နေတာလဲ ?
သူ(မ)နောက်ဆုံး မှတ်မိတာက သူ(မ)က ဆေးနယ်ပယ်မှာ အမြင့်မားဆုံး အောင်မြင်ကျော်ကြားမှု ရရှိခဲ့တယ်။ သူ(မ)က ဆုယူပြီးပြီးချင်းကို ရေတစ်ငုံသောက်လိုက်မိတယ်။ ဒါပေမယ့် အဲ့ဒီနောက်မှာ ရေသီးပြီး သေသွားတာပဲ။
အဲ့သလို ကို့ယို့ကားယားနိုင်ပြီး သနားစရာအဖြစ်ကြောင့် သူ(မ)က မနက်ဖြန် သတင်းမှာ ပါလာမယ့် ထိပ်စီးခေါင်းစဥ်က ဘာလဲဆိုတာ ကြိုတင်ခန့်မှန်းလို့တောင်ရနေပြီ။
" ဆေးဘက်ဆိုင်ရာက ငယ်ရွယ်တဲ့လူတော်လေး ရေသီး၍ သေဆုံးခြင်း " ဆိုပြီးလေ။
ရုတ်တရက်ဆိုသလိုပဲ အခန်းတံခါးဟာပွင့်လာပြီး နေအလင်းရောင်ဟာလဲ အခန်းထဲကျရောက်လာတယ်။ စုန့်ကျားရန်လဲ အလိုအလျောက်ပဲ သူ(မ)မျက်လုံးတွေကို ပိတ်ချလိုက်တယ်။ သူ(မ)မျက်လုံးတွေ အလင်းရောင်နှင့် အသားကျသွားချိန်မှာတော့ သူ(မ)က ကြမ်းပြင်ပေါ်မှာ လဲလျောင်းနေခဲ့တာကို သိရှိသွားတယ်။
VOUS LISEZ
ထွားကြိုင်းသော သမီးလေး၏ တန်ပြန်တိုက်ခိုက်မှု ( မြန်မာ ဘာသာပြန် )
Roman d'amourစုန့်ကျားရန်- နစ်နာမှု၊ မကျေနပ်မှု အသေးလေးအတွက်ကိုတောင် အငြိုးအတေးကြီးသည်၊ ရိုင်းစိုင်းပြီး လူပါး၀သည်။ ယန်ချန်- မျက်နှာနှစ်မျိုးနဲ့လူ၊ သန်မာတယ်၊ စိတ်ရှည်တယ်၊ ပြီးတော့ ဉာဏ်နီဉာဏ်နက်လဲများတယ်။ English Name - The Chubby Rich Daughters Counterattack ...
