၀မ်ယောင်ထျန်က ကျားရန်ကို ဖြတ်တိုက်သွားတာကို မြင်တဲ့အခါ စုန့်မေ့ယွီက မြန်မြန်ပဲ သူ့(မ)မျက်လုံးထောင့်ကို (မျက်ရည်စ)ပွတ်ကာ " ကျားရန် သမီးအများကြီးလျှောက်မတွေးပါနဲ့။ သမီးအဖေကလေ သူကလေ....အရေးကြီးကိစ္စရှိနေလို့ပါ အာ့ကြောင့် .... "
သူ(မ)က စုန့်ကျားရန်ကို သူ(မ)အဖေရဲ့အေးစက်စက် အပြုမူတွေကြောင့် စိတ်မထိခိုက်စေချင်ဘူး။ ဒါပေမယ့်လဲ ဖြေရှင်းချက်ပေးဖို့ ဆင်ခြေလဲ ရှာမတွေ့ပြန်ဘူး။ ဘယ်လိုအဖေမျိုးက ကိုယ့်ရဲ့သမီးကို ဒီလိုဆက်ဆံမှာလဲ ?
စုန့်ကျားရန်က သူ့(မ)ကိုကူပြီး ဆိုဖာဆီကိုခေါ်လာလိုက်သည်။
" မေမေ သမီး အကုန်သိပြီးပါပြီ "
စုန့်မေ့ယွီ အသက်အောင့်လိုက်မိပြီး သူ(မ)သမီးရဲ့ပါးလေးကို ချစ်မြတ်နိုးစွာ ပွတ်လိုက်ရင်း သူ့(မ)ကို ဘယ်လိုနှစ်သိမ့်ပေးရမှန်း မသိတော့ဘူး။
စုန့်ကျားရန်က ချစ်မြတ်နိုးမှုတွေနဲ့ပြည့်နေတဲ့ မျက်၀န်းတွေနဲ့ ပြုံးပြလိုက်ရင်း " သမီးမှာ အမေရှိနေရုံနဲ့တင် လုံလောက်နေပါပြီ "
စုန့်မေ့ယွီနှလုံးသားထဲမှာ ကျေနပ်နှစ်သက်မှုတွေ ပေါ်ပေါက်လာသလို စဥ်စားဆင်ခြင်တတ်တဲ့ သူ(မ)ရဲ့သမီးလေးဟာ နာကျင်ခံစားရပေါင်းများပြီလို့လဲ ခံစားလိုက်ရတယ်။ သူ့(မ)ကို အချစ်တွေပိုပေးဖို့ စိတ်ဆုံးဖြတ်ချက်ချလိုက်သည်။
စုန့်မေ့ယွီစိတ်ထဲမှာ ဘာတွေတွေးတောနေလဲဆိုတာ စုန့်ကျားရန် မသိပါဘူး။ သူ(မ)အမေမျက်လုံးထောင့်က အရေးကြောင်းတွေကို ကြည့်ရင်း သူ(မ)ခဏတာလောက် တွေးတောကာ ပြောလိုက်သည်။
" အမေ ၀မ်ယောင်ထျန်က စုန့်ယိုယိုကို ဘာလို့ကောင်းကောင်းမွန်မွန် ဆက်ဆံနေလဲဆိုတာကို သိလား ? "
စုန့်မေ့ယွီက သူ(မ)ပြောတာကို ပြန်ပြင်ပေးချင်သည်။ ၀မ်ယောင်ထျန်ဘက်က အမှားဆိုပေမယ့်လဲ သူက သူ(မ)ရဲ့အဖေဖြစ်နေတုန်းပဲလေ။
သူ(မ) ပြန်မပြောရသေးခင်မှာပဲ ကျားရန်ရဲ့နောက်စကားတစ်ခွန်းကြောင့် သူ(မ)ကြက်သေသေသွားသည်။
YOU ARE READING
ထွားကြိုင်းသော သမီးလေး၏ တန်ပြန်တိုက်ခိုက်မှု ( မြန်မာ ဘာသာပြန် )
Romanceစုန့်ကျားရန်- နစ်နာမှု၊ မကျေနပ်မှု အသေးလေးအတွက်ကိုတောင် အငြိုးအတေးကြီးသည်၊ ရိုင်းစိုင်းပြီး လူပါး၀သည်။ ယန်ချန်- မျက်နှာနှစ်မျိုးနဲ့လူ၊ သန်မာတယ်၊ စိတ်ရှည်တယ်၊ ပြီးတော့ ဉာဏ်နီဉာဏ်နက်လဲများတယ်။ English Name - The Chubby Rich Daughters Counterattack ...