၀မ်ယီဖန်နဲ့ မျက်နှာချင်းဆိုင်နေချိန်မှာတုန်းက ထုတ်ပြထားတဲ့ စုန့်ကျားရန်ရဲ့ နွေးထွေးတဲ့အမူရာက ချက်ချင်းကို ပျောက်ကွယ်သွားပြီး သူ(မ)က ၀မ်လင်ကို အေးတိအေးစက်နဲ့ ပြန်ကြည့်တာသည်။
၀မ်ယီဖန်က သူ(မ)အသံကြားတဲ့အခါ တအံ့တသြနဲ့ " အစ်မ ရောက်လာပြီပဲ "
" အင်း "
၀မ်လင်က စုန့်ကျားရန်နဲ့ မျက်လုံးချင်းတောင်မဆုံရဲပဲ ခေါင်းကိုငုံ့ကာ ပြန်ဖြေလေသည်။
၀မ်ယီဖန်ကတော့ သူ(မ) တစ်ခုခုမူမမှန်တာကို သတိမထားမိပဲ " အစ်မ ကျွန်တော့်ကို အဖော်ပြုပေးဖို့ ဒီအစ်မကို အစ်မတောင်းဆိုထားတာ ကောင်းလိုက်တာ။ ကျွန်တော်တို့ တစ်နေ့ခင်းလုံး စကားပြောနေကြတာ။ "
သူ့ရဲ့အသံထဲမှ ပျော်ရွှင်မှုတွေ ပါနေတယ်။ သူဒီလိုပျော်နေတာကို ၀မ်လင် မတွေ့ရတာ အတော်ကြာပြီဖြစ်တဲ့အတွက် သူ(မ) စုန့်ကျားရန်ကို တအံ့တသြနဲ့ ကြည့်လိုက်မိသည်။
စုန့်ကျားရန် မတ်တပ်ရပ်လိုက်ပြီး ၀မ်ယီဖန်ကို
" ယီဖန်ရေ ငါ မင်းအစ်မနဲ့ ပြောစရာကိစ္စလေးတွေရှိသေးလို့ အပြင်ထွက်ပြီး စကားသွားပြောလိုက်ဦးမယ်နော်။ နောင်ကျရင် ငါမင်းဆီကို ထပ်လာလည်မယ်လေ။ "၀မ်ယီဖန် ကြောင်အသွားသည်။ သူ့ကြည့်ရတာ သူ(မ)တို့နှစ်ယောက်ကြားမှာ တစ်ခုခုဖြစ်နေတယ်ဆိုတာကို သိသွားတဲ့ပုံပါပဲ။ ဒါပေမယ့် သူကလိမ်လိမ်မာမာနဲ့ ခေါင်းငြိမ့်ပြလာတယ်။ စုန့်ကျားရန် အခန်းထဲက ထွက်တော့မယ့်အချိန်မှာပဲ ကောင်လေးက သတ္တိမွေးပြီး " အစ်မ နောက်ထပ်လာလည်ဦးမှာလား ? "
သူ့ရဲ့အသံက အသနားခံနေတဲ့ အသံလေးပါနေတယ်။ ခွေးပေါက်လေးက သူ့သခင်ထွက်သွားမှာစိုးလို့ သူ့ခြေထောက်လေးတွေနဲ့ သခင်ရဲ့အင်္ကျီလက်ကို ဆွဲထားတဲ့အတိုင်းပဲ။ စုန့်ကျားရန် အေးစက်စက် အမူအရာကိုတောင် ဆက်မထိန်းထားနိုင်တော့ပဲ သူ(မ)က ကြင်နာစွာပြုံးပြရင်း " ဒါပေါ့ အစ်မသေချာပေါက် နောက်တစ်ခေါက်လာခဲ့မယ် "
ဉာဏ်ထက်တဲ့ ၀မ်ယီဖန်က ခပ်မြန်မြန်ပဲ " အစ်မက စကားတည်မယ်ဆိုတာကို ကျွန်တော်ယုံကြည်တယ် "
أنت تقرأ
ထွားကြိုင်းသော သမီးလေး၏ တန်ပြန်တိုက်ခိုက်မှု ( မြန်မာ ဘာသာပြန် )
العاطفيةစုန့်ကျားရန်- နစ်နာမှု၊ မကျေနပ်မှု အသေးလေးအတွက်ကိုတောင် အငြိုးအတေးကြီးသည်၊ ရိုင်းစိုင်းပြီး လူပါး၀သည်။ ယန်ချန်- မျက်နှာနှစ်မျိုးနဲ့လူ၊ သန်မာတယ်၊ စိတ်ရှည်တယ်၊ ပြီးတော့ ဉာဏ်နီဉာဏ်နက်လဲများတယ်။ English Name - The Chubby Rich Daughters Counterattack ...