ဒါပေမယ့် စုန့်မေ့ယွီက စုန့်ကျားရန်ကို ဒေါသထွက်တာ မဟုတ်ပဲ သူ့ဒေါသက ၀မ်ယောင်ထျန်ကို ဦးတည်နေတာပါ။
" ကျားရန်က ကျွန်မတစ်ယောက်ထဲရဲ့ သမီးလား ? သူ(မ)ရဲ့ အဖေအနေနဲ့ ရှင်ဘာပြောလဲဆိုတာကို သတိထားသင့်တာပေါ့။ ကျွန်မကတော့ အခုကျားရန်က လိမ္မာနေတယ်လို့ ထင်တယ်။ "
စုန့်ကျားရန် ပြုံးလိုက်မိသည်။ သူ(မ)အမေက အရမ်းမိုက်တာပဲ။
ဒါပေမယ့် ၀မ်ယောင်ထျန်ရဲ့ လုပ်ရပ်တွေက သူ့(မ)ကို ထိတ်လန့်စေတယ်။ သူက ပိုပိုပြီး စိတ်ကြီး၀င်လာတယ်။ သူက သူ(မ)အမေကိုတောင် အသံကျယ်ကျယ်နဲ့ ပြန်ပြောရဲနေပြီ။ ကြည့်ရတာ သူ့မှာ အင်အားကြီး နောက်ခံကောင်းရှိနေပြီ ထင်တယ်။
၀မ်ယောင်ထျန်က ဒေါသတကြီးနဲ့ ထွက်သွားဖို့လုပ်တဲ့အခါ စုန့်ကျားရန်က လှမ်းတားလေသည်။
" မသွားသေးနဲ့ဦး သမီးမှာ ကြောညာစရာ ကိစ္စတွေ ရှိသေးတယ် "
အကုန်လုံးက သူ့(မ)ကို လှည့်ကြည့်လာတဲ့အခါ " သမီးဒီနေ့ တစ်စုံတစ်ယောက်နဲ့ စာရင်းရှင်းစရာ ရှိတယ် "
စုန့်ယိုယို တစ်ယောက်သာလျှင် ဒီကိစ္စနဲ့ပတ်သက်ပြီး ခံစားချက်တွေ မကောင်းဖြစ်နေတာ။ ထင်ထားတဲ့အတိုင်း စုန့်ကျားရန်က သူ့(မ)ကို ကြည့်လာတဲ့အခါ သူ(မ)ဆီဘာလာမလဲဆိုတာ သူ(မ)သိသည်။ ဒါပေမယ့် သူ(မ)က မကြောက်ပါဘူး။
စုန့်ယိုယိုရဲ့ တည်ငြိမ်နေမှုကြောင့် စုန့်ကျားရန် အံ့သြမှုနဲ့ မျက်ခုံးပင့်တက်သွားသည်။
" စုန့်ယိုယို နင်ငါ့ကို ဘယ်လိုသတ်ဖို့လုပ်တယ်ဆိုတာ ငါ့ကို ဖြေရှင်းချက်ပေးရမှာ မဟုတ်ဘူးလား ? "
သူ(မ)ရဲ့ စကားဆုံးတာနဲ့ စုန့်ယိုယိုရဲ့ မျက်လုံးတွေက ရဲတက်လာသည်။ သူ(မ)ရဲ့ အလွယ်တကူငိုနိုင်တဲ့ စွမ်းရည်ကို စုန့်ကျားရန်ကတော့ လက်လန်မိသည်။
စုန့်ယိုယိုက ကြောက်ရွံ့နေပုံနဲ့ " ကျားရန် ဘာလို့အဲ့လို ကြောက်စရာစကားတွေ ပြောထွက်ရတာလဲ။ တို့က ဘယ်လိုလုပ် .... တို့က ဘယ်လိုလုပ်ပြီး ကျားရန်ကို သတ်ဖို့လုပ်မှာလဲ ? "
YOU ARE READING
ထွားကြိုင်းသော သမီးလေး၏ တန်ပြန်တိုက်ခိုက်မှု ( မြန်မာ ဘာသာပြန် )
Romanceစုန့်ကျားရန်- နစ်နာမှု၊ မကျေနပ်မှု အသေးလေးအတွက်ကိုတောင် အငြိုးအတေးကြီးသည်၊ ရိုင်းစိုင်းပြီး လူပါး၀သည်။ ယန်ချန်- မျက်နှာနှစ်မျိုးနဲ့လူ၊ သန်မာတယ်၊ စိတ်ရှည်တယ်၊ ပြီးတော့ ဉာဏ်နီဉာဏ်နက်လဲများတယ်။ English Name - The Chubby Rich Daughters Counterattack ...
