စုန့်ကျားရန်က ပြန်မဖြေဘူး။ ၀တ်ရုံမဲနဲ့လူတွေ သူ့မောင်အခန်းထဲကနေ ပန်းချီကားခိုးသွားတာကို သတိရမိတော့ " ခုနကတင် နင့်အခန်းကို ပြန်သေးတယ်မလား ? "
စုန့်ချူးရန် ခေါင်းညိမ့်လိုက်တယ်။
စုန့်ကျားရန် နောက်တစ်ခါ ထပ်မေးသည်။
" ဘာ မူမမှန်တာရှိနေလဲ ? "
စုန့်ချူးရန်က မျက်မှောင်ကြုံ့ပြီး " နင် ဘာလုပ်လိုက်သေးလဲ ? "
သူ့ရဲ့မေးခွန်းကြောင့် စုန့်ကျားရန် လှောင်ရယ်မိသည်။
" ငါက ဘာလုပ်နိုင်မှာလဲ ? ဒါမှမဟုတ် ငါဘာလုပ်ခဲ့သလဲလို့ နင့်ကို မေးသင့်လား ? "
စုန့်ချူးရန် ပြောစရာ စကားပျောက်သွားသည်။ စုန့်ကျားရန် ဘာလုပ်ခဲ့သလဲ သူ မပြောနိုင်ဘူး။ သူက သူ့(မ)ကို အမြဲတမ်း ဆိုးဆိုးရွားရွားတွေးနေမိတဲ့ပုံပဲ။
စုန့်ကျားရန်က တံခါးမပိတ်ခင် သူ့ကိုလှောင်ရယ်ပြီးကြည့်လိုက်လေသည်။
စုန့်ချူးရန်ကတော့ တံခါးရှေ့မှာ ဆက်ရပ်နေပြီး ပိတ်ထားတဲ့တံခါးကို ဝေခွဲမရဖြစ်တဲ့ပုံနဲ့ ကြည့်နေတယ်။
ဒါပထမဆုံးအကြိမ် နှင်ထုတ်ခံရတာပဲ။ သူ(မ)ဆီကို သူလာတိုင်းမှာ စုန့်ကျားရန်က အရမ်းပျော်နေခဲ့တာ အခုတော့ ဘာလို့မတူတော့တာလဲ ?
ဒါသူလိုချင်နေခဲ့တဲ့အရာ မဟုတ်လား ? သူ့ရင်ထဲက အစ်မက ဘယ်တုန်းကမှ စုန့်ကျားရန် မဟုတ်ခဲ့ဘူးလေ။ စုန့်ယိုယိုသာလျှင် သူ့အစ်မဖြစ်သင့်တာ။ ဒါပေမယ့် ဘာလို့ သူစိတ်မသက်သာဖြစ်နေရတာလဲ ?
စုန့်ယိုယိုက အနောက်ကနေ ထွက်လာပြီး စုန့်ကျားရန်ကို လှောင်မလို့ရောက်လာလေသည်။ အဲ့တာက သူ(မ) အမြဲလုပ်လေ့ရှိတဲ့ အရာပဲ။ သူ(မ)အဲ့လိုလုပ်လို့ စုန့်ကျားရန်ရဲ့ ယုံကြည်မှုက ဟိုးအောက်ကျသွားပြီး စုန့်မေ့ယွီရဲ့အနားတောင် မကပ်နိုင်တဲ့အထိပဲလေ။
အခုတလော သူ(မ)ရဲ့ပြောင်းလဲမှုကြောင့် စုန့်ယိုယို အနည်းငယ် စိုးရိမ်လာတယ်။ နံစော်နေတဲ့ပိုးကောင်က မိလ္လာရေဆိုးပိုက်ထဲမှာပဲ အမြဲနေသင့်တာကို အပြင်တိုးထွက်ဖို့များ တွေးရဲသေးတယ်။
YOU ARE READING
ထွားကြိုင်းသော သမီးလေး၏ တန်ပြန်တိုက်ခိုက်မှု ( မြန်မာ ဘာသာပြန် )
Romanceစုန့်ကျားရန်- နစ်နာမှု၊ မကျေနပ်မှု အသေးလေးအတွက်ကိုတောင် အငြိုးအတေးကြီးသည်၊ ရိုင်းစိုင်းပြီး လူပါး၀သည်။ ယန်ချန်- မျက်နှာနှစ်မျိုးနဲ့လူ၊ သန်မာတယ်၊ စိတ်ရှည်တယ်၊ ပြီးတော့ ဉာဏ်နီဉာဏ်နက်လဲများတယ်။ English Name - The Chubby Rich Daughters Counterattack ...
