Kaibigan.
Simpleng salita lang. Oo tama simple lang pero malalim ang kahulugan.
Dinaig pa nga nito ang nagmamahalan sa tibay ng samahan.
Kaibigan, yan yung mga kasama mo sa mga kalokohan.
Yung kasama mo dumalo sa iba't ibang pagtitipon. Mapamisa man yan o inuman.
Sila yung mga taong binuklod para ika'y gabayan sa daang tinatahak.
May iba't ibang katangian at talento ngunit nanatiling magkasundo.
May matalino
May magaling kumanta
May magaling sa pag guhit at pagpinta
May Magaling sa pagpapatawa
Mayroon din namang magaling sa drama. Yung tipong onting kibot lang ay magtatampo na.
May ibang lenggwahe na kayang gamitin bukod sa Ingles at Tagalog na wari'y mula sa ibang planeta.
May mga koreana dahil sa kapapanood ng Kpop at meron ding magaling gumawa ng istorya. Oo! Magaling sila mag-imbento dahil pagiging writer kuno ang pinapangarap!
Ang pagkakaiba sa pananaw ay minsa'y hindi napagkakasunduan.
Sa oras na magkatampuhan, ay hihiwalay na yan.
Hindi sa samahan kundi sa groupchat.
Kung sino ang nakapanakit, sya ang di kasali.
Sa oras na lumala ang tampuhan, babawian ng napakahabang long message na nakakakonsensya.
Minsa'y maiiyak ka pa sa mga mababasa.
Pagkatapos nun ay ayos-ayos na.
Kaibigan. Tama napakasimple nga.
Pero mala-friendship Goals ang aura.
Napakasayang balik-tanawin ng mga bagay na nalagpasan ng sama-sama.
Mga kopyahan, mga kainan, mga gala at mga pagpaplano kung paano susupresahin ang katropa.
Sa bawat hakbang patungo sa ating kinabukasan.
May mga ala-alang patuloy sa paglabas na parang pelikulang walang tunog.
Mga pagbabago na hindi natin mapipigilan.
Ngunit wag kakalimutan.
Tayo'y mananatiling magkakaibigan.
YOU ARE READING
Inner Thoughts
PoetryThis is not just a compilation of poems, prose, monologues and one shot stories, but it is a piece of my heart. Every word, every sentence, and every story in this book has been beautifully assembled over time, with love and care. This is a book fil...
