Chasing Chances (Chasing #1)

Prologue

"You will always be the number one man in my life, Papa." Nagpunas ulit ako ng mga luha ko.

Nang makarating kami sa tapat ng lalaking mahal ko ay mahigpit akong niyakap ni Papa.

"I love you so much, anak ko!" Tinuro niya pa ang lalaking mahal ko. "At Ikaw alagaan mo ang anak ko. Alagaan mo siyang mabuti hindi lang dahil asawa ka niya. Alagaan mo siyang mabuti para sa'kin dahil 'yon ang hindi ko nagawa."

Napahagulhol naman ako at tsaka mahigpit na yumakap kay Papa. "Mahal na mahal din kita, Papa ko."

Yumakap din ang lalaking mahal ko kay papa. "Aalagaan ko po siya ng sobra, Papa."

Nang ibigay na sa kanya ni Papa ang mga kamay ko ay para akong nakuryente.

"Siguro naman ay sapat na ang ibinigay kong oras sa'yo." Sinamaan ko naman siya ng tingin pagkatapos ay sinapak ko siya sa dibdib.

"Nakakainis ka!" Tinawanan naman niya ako.

Naiyak naman ako lalo.

Matagal ko 'tong pinangarap, kaya Lord kung nananaginip man ako ngayon, please wag n'yo muna akong gisingin.

Pagkatayo niya ay maingat niya akong inalalayan papunta sa altar.

Nagsimula nang magsalita si Father.

"Stop this marriage!"

"This marriage shouldn't be happening!" seryosong sabi niya.

"Please stop it! Maawa ka naman kay Kuya. Ang tagal-tagal niya 'tong hinintay."

"I will not allowed this marriage!"

Kitang-kita na desidido siya na wag matuloy ang kasal naming dalawa.

"Leave us alone!" galit na galit na sabi ng lalaking mahal ko.

"You can't be married because-"

Iminulat ko ang mga mata ko. Alas tres pa lang ng madaling araw. Bumangon ako dahil sa bigat ng paghinga ko. Isang panaginip na may isang blurred na lalaki na siyang humahabol sa'kin. It's kinda weird. Ang natatandaan ko lang ay isinisigaw niya ang pangalan ko. At habang nageecho pa rin ngayon ang boses niya sa utak ko ay sobrang bilis ng tibok ng puso ko.

Nagulat ako sa biglang pagtunog ng phone ko. May isang unknown number na tumatawag.

Sino naman ang tatawag sa'kin ng ganitong oras?

Sinagot ko ang tawag. Mabibigat na paghinga ang naririnig ko.

"Hello?" bungad ko na habang kunot na kunot ang noo ko.

"Veranica...Shit!" napapaos na sabi niya pagkatapos ay pinatay na ang tawag, nakaramdam naman ako ng pangingilabot sa boses niya.

Sino 'yon? Pinagtitripan niya ba 'ko?