Chasing Chances (Chasing #1)

Chapter 29

At sa mga sumunod na araw ay halos mapuno ng mga bulaklak at chocolates ang buong apartment ko. Tuwang-tuwa nga si Celine dahil sa kanya napupunta ang mga chocolates.

"Vera, nandito na mga manliligaw mo!"

Bumuntong hininga ako tsaka lumabas ng kwarto ko. Gusto ko sanang magpahinga dahil kauuwi ko lang galing school.

Naabutan ko sa sala ang parehong nakatux na sina Dark at Sage.

Nag-angat ako ng isang kilay sa kanila.

Agad naman silang tumayo. "For you, Vera!" sabay pa nilang sabi nang ilahad nila ang bouquet of red roses na hawak nila.

Nagkatinginan sila.

"Gusto niyo bang gawing flower shop ang apartment ko?" Pinagkrus ko pa ang dalawang braso ko.

"Kagaya kasi ng mga bulaklak ay namumukadkad ang ganda mo, Vera," sabi ni Sage sabay ngisi. Inirapan ko naman siya.

Narinig ko pa ang mahinang hagikhik ni Celine.

Kinuha ko ang bouquet na dala ni Dark pagkatapos ay inutusan ko naman si Celine na kunin ang dala ni Sage. Ngumuso pa nga sakin si Celine.

Inabot pa nila pareho ang dala nilang mga chocolates at agad na pinagkukuha ng tuwang-tuwa na si Celine.

"Another set of chocolates for me." Malawak ang pagkakangisi ni Celine.

"That's for, Vera!" sabay nanaman na sabi ng dalawa.

Nalaglag ang panga ni Celine.

"Hoy, kayong dalawa! Mawawalan ako ng trabaho kapag pinakain ko lahat 'to kay Vera. Ang dadamot niyo!"

Natawa naman ako kay Celine na ngayon ay nagwalk out.

Sa loob ng isang oras ay si Dark lang kinakausap ko at hindi ko pinapansin ang presensya ni Sage.

Nang maghatid ng meryenda si Celine ay tinaasan niya pa 'ko ng kilay. Kumunot naman ang noo ko.

Sinenyasan niya pa ako na sumunod ako sa kanya.

"Bakit, Celine?" tanong ko nang makarating kami sa kusina.

"Be fair naman, Vera. Dapat dalawa silang inientertain mo. Halatang takot ka na kausapin si Sage dahil alam mong bibigay ka, e."

Nanlaki naman ang mga mata ko.

"No I'm not, Celine! Kahit pa maghubad siya sa harap ko hinding-hindi ako bibigay!" inis na sabi ko. Ngumisi naman siya na parang may kalokohang iniisip.

"Talaga lang, ah?" Humalakhak pa ang gaga.

Pagbalik ko sa sala ay nginitian ako ni Dark habang si Sage ay pinagkrus ang mga braso at derechong tumitig sa'kin.

"It's hot in here." Hinubad ni Sage ang kulay gray niyang coat.

Pagtapos ay niluwagan niya ang necktie niya at binuksan ang butones hanggang sa dibdib niya.

Napalunok ako.

What the hell, Wainwright?

Nahagip ng mata ko si Celine na nasa bukana ng pinto at nakangisi. Inirapan ko naman siya.

Ngumisi pa sa akin ang hinayupak na si Sage. Sinamaan ko siya ng tingin.

"Why, Vera?" tanong niya habang may mapaglarong ngisi.

Nakita ko ang pag-igting ng panga ni Dark.

Hindi ko na lang pinansin si Sage. Mukhang nababaliw na ata siya.