Chasing Chances (Chasing #1)

Chapter 8

Pasado alas otso na 'ko nagising. Unang araw ngayon ng Back To School event ng St. Celestine kaya okay lang kahit hindi ako masyadong maaga pumasok. Naligo na muna ako.

Naisipan kong magsuot lang ng isang fitted jeans, puting pullover at maroon na sneakers. Kinuha ko na ang sling bag ko tsaka bumaba. Si Bri na lang ang nandoon at nanunuod ng t.v.

"Finally! Makakaalis na tayo." Malaki ang pagkakangisi ni Bri.

"Dapat ay nauna ka na lang."

Pumunta ako sa kusina para uminom ng fresh milk tsaka kumuha ng isang slice ng loaf bread.

"Tanghali na rin ako nagising, e." Humalakhak pa si Bri.

"Tara?" Tumango naman siya tsaka sumunod sakin.

"Excited na ko, Vera! First time ko makakaranas ng opening event ng St. Celestine."

"Wala namang espesyal," sabi ko tsaka pumara ng tricycle.

"Nasasabi mo lang 'yan dahil second time mo na maeexperience," sabi niya sabay nguso. Umiling na lang ako.

Pagdating namin sa St. Celestine ay sobrang ingay at sobrang daming mga studyante na nagkalat sa ground. Dumerecho kami ni Bri sa gymnasium dahil doon gaganapin ang program. Pagkarating namin ay saktong magsisimula pa lang sumayaw ang dance troupe para sa cheer dance.

"Go, Kyril!" nakabibinging sigaw ni Bri. Tumingin sa amin si Kyril at nagflying kiss.

"Ang galing sumayaw ni Kyril! Ang galing nilang lahat!" sabi ni Bri at halatang namamangha siya.

Umugong ang malakas na palakpakan nang matapos sumayaw ang dance troupe. Hinintay pa namin na makapagpalit ng damit si Kyril bago kami lumabas ng gymnasium.

"Saan tayo?" tanong ko nang makalabas kami sa gymnasium.

"Sa food bazaar. Hindi pa 'ko kumakain."

Tumango naman ako kay Kyril.

Maraming mga bazaar at booth ngayon hanggang Wednesday tapos sa Thursday naman ay may mga theater play, dance contest at singing contest. Sa Friday ay ang inaabangan na taunang Masquerade Ball.

"Ang galing!" Nakipaghigh five pa si Alezander kay Kyril nang makarating kami sa food bazaar. Nakita namin dito sila Brixel, Alezander at Sage.

"Halika, Zander, ilibre mo 'ko!" Hinila pa ni Kyril si Alezander papunta sa mga nagtitinda ng pagkain. Sumunod naman si Brixel at Bri kaya naiwan kaming dalawa ni Sage dito sa table.

Walang nagsasalita sa amin, sobrang awkward. Nakayuko lang ako at pinaglalaruan ang mga daliri ko.

Biglang may babaeng kumanta sa may mini stage sa tapat ng food bazaar

I don't know what it is you've done to me
But it caused me to act in such a crazy way
Whatever it is that you do when you do what you're doing, it's a feeling that I don't understand.

Kinagat ko ang ibabang labi ko. Natatamaaan ako sa bawat lyrics. Pakiramdam ko ay kinanta talaga iyan para sa'kin.

I get so weak in the knees, I can hardly speak. I lose all control and something takes over me.

Nag-angat ako ng tingin at nagtama ang mga mata namin ni Sage. Ayan nanaman 'yong pakiramdam na parang hinahalukay ang tiyan ko.

In a daze and it's so amazing, it's not a phase. I want you to stay with me, by my side

And yes, I want you to stay by my side Sage pero hindi pwede.

Can't explain why your loving makes me weak.