Chasing Chances (Chasing #1)

Chapter 33

Pagkababa ko ay agad akong hinila ni Sage tsaka hinalikan sa noo.

"Madalas ko man na sinasabi sayo 'to but still, I want it to repeat over and over again. You're so beautiful, Vera."

Napangiti naman ako.

"At sobrang pogi mo naman, mister!" sabi ko sabay ngiti.

"I know." Kumindat pa siya sa'kin.

Natatawa naman akong umiling-iling.  Nauna na umalis si Celine. Pinigilan ko pa siya pero ayaw magpapigil.

Inalalayan ako ni Sage hanggang sa makarating kami sa kulay puting Benz na nakaparada sa tapat ng bahay.

"New car?"

Tumango lang si Sage.

Hindi ko alam kung saan eksato kami pupunta dahil tinatahak namin ngayon ang palabas ng Montreal.

"Level up na ang Queenz, ah? Hindi na sa loob ng Montreal ginaganap ang mga events nila."

Seryoso sa pagdadrive si Sage. Kaya ang ginawa ko ay nilibang na lang ang sarili sa pagtingin sa mga tanawin sa labas.

Halos puro puno na ang nakikita ko.

"Saan ba kasi tayo pupunta?" Curious na curious na 'ko kung saan ba talaga ginanap ang event ng Queenz.

"Can you please wait until we arrived there?"

"Ang sungit, ah!" Inirapan ko pa si Sage tsaka bumaling na lang uli sa labas.

Gwapo na e, tapos mayaman pa kaso dinaig pa 'ko sa mood swings. Ewan ko sa'yo, Wainwright!

Nang sa wakas ay makita ko na ang arko na may nakalagay na Welcome To Monte Vista ay nabuhayan ako ng loob dahil kahit papano ay maiibsan na ang pagkabagot ko dahil hindi na puro puno ang makikita ko.

Napagtanto ko na sa Monte Vista nga ginanap ang event ng Queenz nang kumanan si Sage papasok sa Sentro ng Monte Vista.

Hindi rin nagtagal ay tumigil na kami sa loob ng isang mukhang mamahaling hotel.

"May ganito pala kagandang hotel dito?" Bumaba na si Sage at pinagbuksan ako ng pinto.

Ibinigay niya sa Valet ng hotel ang susi ng kotse niya.

"Grabe! Sobrang pang-bigtime-" Hindi ko na natapos ang sinasabi ko nang pag-angat ko ng tingin sa hotel ay nabasa ko ang pangalan nito.

The Wainwright Hotel

"Seryoso, Sage? Bakit ko nakalimutan na may branch nga pala kayo dito."

Nagkibit balikat lang si Sage.

"I know you're very tired and you still have jet lag, but I just want you to enjoy the party, okay?" Ngumiti si Sage pagkatapos ay may ikinabit na blindfold sakin.

"Anong trip 'to, Sage?"

Sinaway ako ni Sage nang ambang tatanggalin ko ang blindfold.

"Napag-utusan lang."

Narinig ko pa ang sexy na tawa niya.

At dahil sa nakablind fold ako at isama mo pa na nakaheels ako ramdam ko na todo alalay sa'kin si Sage.

Napatili naman ako nang buhatin niya ako.

"Sage, nakakahiya ibaba mo 'ko!" pagpoprotesta ko pa.

"I don't care about them, it's my hotel."

Hindi rin nagtagal ay ibinaba ako ni Sage.

"Sage, pwede na bang tangga-"

Bago ko pa matapos ang sinasabi ko ay natanggal na ni Sage ang blindfold ko.