Complicated Goddess [COMPLETED]

Chapter 9: Louie

Terrence Louie's Point Of View

Shit! Di ko alam kung ano na ang sasabihin ko sa kanya. Mas lalo pa siyang nagalit sa akin. Kailan niya pa kaya malalaman ang totoo?

Napasuntok ako sa locker na pinakamalapit sa akin. Natama ko pala sa pako yung suntok ko. Yung pako na sinasabitan ng kung ano-ano. Naramdaman ko na lang ang pagdaloy ng dugo mula sa kamao ko.

Di ko alam pero parang bumalik ako sa oras na nagkakilala kaming dalawa. Wala na kami ni Corinne nun. Actually naka 3 months lang kami. Lumabas kasi talaga yung tunay na ugali niya.

Rookie pa lang ako nun sa sports at second year pa lang ako nung time na yun. Hindi naman sa pagmamayabang pero magaling na ako nun sa swimming, soccer, volleyball, tsaka sa basketball at first year pa lang, varsity na ako, kaya iba naman na sport ang gusto kong pagpractice-an. Running, hurdle at high jump naman ang gusto kong pagsanayan.

Pumupunta ako nun sa Maxwell University para magtrain. Nandun kasi yung tito ko. Isa siyang sikat na coach dito sa bansa. Okay lang naman yung mga coach sa GRIWA pero mas comfortable ako kay tito kaya wala naman na silang nagawa kundi sumunod. Partners naman ang Maxwell at ang GRIWA kaya okay lang.

Asset din kasi ako sa academy namin kasi dinadala ko yung pangalan ng GRIWA sa mga competitions ko. Yung asawa niya naman, trainer sa gymnastics which is coach ni Zandy. Doon kami nagkakilala. Sa kanya rin ako natuto na magfirst aid gaya nung ginawa ko kay Earl kanina.

*FLASHBACK*

"Terrence, this is Zandy. Makakasama mo na siya from now on. Be nice to her okay?" sabi sa akin ni tito.

Hindi ako agad nakasagot. Nakatitig lang ako sa kanya na hindi ko namamalayan. Para siyang diyosa. Hindi ko rin namalayan na inaabot na niya pala sa akin yung kamay niya. Kinuha ko naman at nag shake hands kami.

"Sige, breaktime muna Zandy. Punta lang kami sa office. Terrence, Ikaw na muna bahala okay? Pagbalik namin, practice na ulit"

Tumango naman ako at umalis na silang dalawa. Umupo naman kami sa taas ng bleachers dito sa gym ng school.

"Hmm... Zandy pangalan mo?"

"Ahm no. Haha. Katsumi Cazzandra. Pero sanay na ko na tinatawag nila coach ng Zandy eh. Actually iba iba tawag nila sakin" Nagsmile naman siya. Nakakatunaw yung smile na yun.

"Ahh. Zandy na lang din tawag ko sayo Pwede?'

"Okay. Eh ikaw, Terrence ba pangalan mo?"

"Yep. But I prefer to be called Louie. Second name ko"

"Okay Louie. By the way, lagi kang nakukwento sa akin ni coach Cortez. Tito mo yun diba?"