Unicode
ပိတောက်ပန်းတွေကိုသယ်ပြီး အိမ်ထဲဝင်ဖို့
အလုပ် ကိုကို့ပခုံးမှအေးခနဲဖြစ်သွားတာကြောင့် လန့်ပင် လန့်သွားသည်။လှည့်ကြည့်မိတော့
ရေဖလားခွက်ကိုကိုင်ကာ သွားညီညီတန်းတွေပေါ်သည်အထိမောင်ကရယ်ပြုံးပြနေသည်။"လူလည်လေး ရေလာလောင်းတယ်ပေါ့လေ"
"သင်္ကြန်မှာ ကိုကို့ကိုပထမဆုံးရေလောင်းတဲ့
သူက မောင်ပဲဖြစ်ချင်လို့""ငါလည်းမောင့်ကိုရေပြန်လောင်းမယ်"
မောင့်လက်ထဲမှရေဖလားကိုယူကာ မောင့်ပခုံး
ပေါ်မှ ရေစလောင်းလိုက်သည်။သင်္ကြန်ရေမှာ
အေးမြမြနှင့်ပါပင်။"မိနွယ်တို့ရှိရင် သူတို့သိပ်ပျော်နေမှာ။
သင်္ကြန်ပြီးရင်တော့ မိနွယ်တို့လာလည်မယ်တဲ့"သည်အိမ်ဟာ အတိတ်တို့ကိုအမှတ်တရရှိစေ
သည်။လက်ထဲမှပိတောက်ပန်းတို့ကိုကြည့်မိပြန် တော့ ပိတောက်ပန်းကြိုက်သည့်မေမေ့ကိုပင်
သတိရမိစေသည်။မောင်က ကိုကို့မျက်နှာကို
ကြည့်လိုက်တာနှင့်ဘာဖြစ်နေမှန်းတန်းသိသည့်
ပုံပင်။ကိုကို့ကိုဖက်ထားလာ၍ မောင်ကပြောလာ
သည်။"သတိရတာလည်း သတိရပါ။မောင်မတားဘူး။တစ်ခုတော့ရှိတယ် ကိုကိုစိတ်ပင်ပန်းတာကို
မောင်မမြင်ချင်ဘူးနော်။ပျော်ပျော်နေပါကိုကိုရာ..နော်။ကဲ..ပန်းကိုဘုရားသွားကပ်မှာမလား၊
သွားကပ်လိုက်တော့။မောင်နဲ့နေရှင်းက ခြံရှေ့
မှာ ရေဆော့ဖို့အတွက် အုန်းလက်တွေနဲ့မဏ္ဍပ်
သွားဆောက်လိုက်ဦးမယ်""အင်း မောင်။ပြီးရင် ငါလိုက်လာခဲ့မယ်"
ကိုကို့အိမ်မှာ လမ်းမ၏ဘေးတစ်ဖက်တွင်ရှိ
တာကြောင့်မို့ သင်္ကြန်ကိုကားဖြင့်လည်ကြ
သူများက ထိုလမ်းမှဖြတ်သွားကြပေလိမ့်မည်။
ထို့ကြောင့်မုန့်များဝေဖို့ မုန့်လုံးရေပေါ်ကိုလုပ်ကြ
မည်ဖြစ်သည်။ခြံထဲ၌သာ အခင်းတို့ခင်းထားပြီး
လိုအပ်သည့်ပစ္စည်းများလည်းရှိနေလိမ့်မည်။
ရဲမွန်နှင့်မူယာတို့က အုန်းသီးခြစ်ပြီး၊ထန်းလျက်ခဲများကိုလည်း အသင့်အတင့်ရှိသော အရွယ်
အစားများဖြစ်အောင် ညှပ်နေသည်။
ကျော်မြတ်သာ က ကောင်းဆက်လင်းနှင့်အတူ မုန့်လုံးရေပေါ်လုံးနေတာဖြစ်သည်။မင်းရတုသည် အိုးထဲမှပေါလောပေါ်လာသော မုန့်လုံးရေပေါ်များကိုဆယ်နေလိမ့်မည်။
YOU ARE READING
ချစ်ရပါသောမောင် (ခ်စ္ရပါေသာေမာင္ ){Completed}
Romance❣︎𝐴𝑟𝑡 𝑏𝑦 𝑆𝑢𝑦𝑖❣︎ ❦{Own Creation}❦ Unicode&Zawgyi မောင်ပေးတဲ့ အနွေးဓာတ်တွေကို ဖမ်းဆုပ်ထားရင်း နွေးထွေးခြင်းဆိုတဲ့ ခြုံထည်လေးကို ရက်လုပ်မယ်။ Start Date>>(5.7.2020) End Date >>(2.10.2020) -လီလီဟန်- ေမာင္ေပးတဲ့ အေႏြးဓာတ္ေတြကို ဖမ္းဆုပ္ထားရင္း...