Unicode
လသာသည့်ညက သာယာလျက်ပါပင်။
မြက်ခင်းပြင်ပေါ် မြက်ဖျာခင်းကာ
ခေတ်ခေတ်ထိုင်နေသည်။ထိုင်နေရာမှ လက်ကို
ခုကာ လှဲချလိုက်ပြီးနောက် တစ်ခုခုကိုစားကာ
မိုးပေါ်သို့ကြည့်နေသေးသည်။
"ကလေးလေး"
လသို့ကြည့်နေသည့်မြင်ကွင်း၌ နေရှင်း၏
မျက်နှာပေါ်လာတော့ ခေတ်ခေတ်ပြုံးပြလာ
သည်။လှဲနေသည့်ခေတ်ခေတ်ဘေး၌ နေရှင်းပါ ဝင်လှဲလာသည်။ညအမှောင်ကြောင့် မျက်နှာကို
သဲသဲကွဲကွဲမမြင်ရပါချေ။ခြံထဲတွင် မီးလည်း
ထွန်းမထားကြပါ။
"ဘာတွေစားနေတာလဲခေတ်ခေတ်"
နေရှင်းလည်း ခေတ်ခေတ်ကိုမကြည့်ဘဲ
လသာနေသည့် ကောင်းကင်ကိုကြည့်ကာမေး၏။
"ခေတ်ခေတ်သခွားသီးစားနေတာလေ။
ဘာစားလို့စားရမှန်းမသိလို့။သိတဲ့အတိုင်း
ပါးစပ်ကငြိမ်ငြိမ်နေလို့ကိုမရဘူး"
"ဒီတိုင်းလေးနေနေတာတောင် ဘာလို့ချစ်ဖို့
ကောင်းနေရတာလဲကလေးလေး။ကိုယ့်ကိုပြော.."
ကလေးငယ်ကိုအသည်းယားစွာ ပါးပြင်အိအိ
လေးသို့ နှာခေါင်းနစ်ဝင်သည်အထိနမ်းကာမေး
မိပြန်သည်။ကလေးငယ်မှာ သခွားသီးကို
တကျွတ်ကျွတ်မြည်အောင်စားနေလျက်နှင့်
သဘောကျကာရယ်လာသည်။
"အစ်ကိုနေရှင်း ဟားဟား..တော်..တော်တော့။ခေတ်ခေတ်ပါးယားလာပြီ။အစ်ကိုနေရှင်းရဲ့
နှုတ်ခမ်းမွှေးပေါက်စလေးတွေက ယားလို့"
"အဲ့အစ်ကိုနေရှင်းဆိုတဲ့ အခေါ်အဝေါ်ကြီးကို
မပြောင်းတော့ဘူးလား။ကိုယ်မေးတာတွေ
မဖြေမချင်း နမ်းနေမှာကွာ"
"လောင်ကုန်းလို့ခေါ်မယ်လေ ဟားဟား.. "
"တရုတ်လိုမခေါ်နဲ့မြန်မာလိုခေါ်"
"မခေါ်နိုင်ပါဘူး။အစ်ကိုနေရှင်းလို့ပဲခေါ်မှာ။
ငြိမ်ငြိမ်နေတော့။ခေတ်ခေတ်တို့ ဒီတိုင်းလေး
လှဲနေပြီး ကောင်းကင်ကိုကြည့်နေရအောင်။
အဲ တစ်ခုတော့ပိုတာပေါ့နော် ခေတ်ခေတ်က
သခွားသီးပါစားနေမယ်"
ပြောရင်း သခွားသီးကို အသံမြည်အောင်ကျွတ်
ကနဲ ကိုက်စားလိုက်သည်။နေရှင်းက သူ့ကလေး
ငယ်ရဲ့ခေါင်းကို,မကာ လက်မောင်းပေါ်သို့အုံး
စေသည်။
YOU ARE READING
ချစ်ရပါသောမောင် (ခ်စ္ရပါေသာေမာင္ ){Completed}
Romance❣︎𝐴𝑟𝑡 𝑏𝑦 𝑆𝑢𝑦𝑖❣︎ ❦{Own Creation}❦ Unicode&Zawgyi မောင်ပေးတဲ့ အနွေးဓာတ်တွေကို ဖမ်းဆုပ်ထားရင်း နွေးထွေးခြင်းဆိုတဲ့ ခြုံထည်လေးကို ရက်လုပ်မယ်။ Start Date>>(5.7.2020) End Date >>(2.10.2020) -လီလီဟန်- ေမာင္ေပးတဲ့ အေႏြးဓာတ္ေတြကို ဖမ္းဆုပ္ထားရင္း...
