ALPHA

Chapter 39: Museum of Technology

Angelo's POV

Lumabas na ko ng banyo nang matapos akong maligo at magsipilyo. Sinoot ko na rin ang
weird na costume namin at magpapanggap kaming mga baliw. Joke lang. Ang gara talaga jusme.

Agad kong pinatay yung kanta na nasa device ko. 'Di ko kasi mapigilan na laging magpakanta sabay pasok sa banyo para maligo.

Naabutan ko naman na nasa labas ng kwarto yung lalaking na-meet ko sa isang kakatwang panaginip na di ko alam kung totoo. Matheo pangalan niya diba? Paano ko kaya sisimulan makipagchitchat dito?

Kakaisip ko, kusang tumaas nalang kilay ko. Mas okay na siguro ganun ang ginawa ng kilay ko. Hello ng tahimik na taong kagaya ko.

"Wait." Bigkas nito habang nakakailang dipa na ang nalakad ko.

"Yup?" ika ko.

"Sabay na tayo" sabi naman niya.
Ako ba hinihintay nito? Ang assuming ko naman.

Ngumiti muna siya sa akin. Edi ngiti rin ako.

"Tagal kasi ng kapatid ko sa loob. Tsss." Pag-iinform niya sa akin.

Natawa naman ako sa ekspresyon ng mukha niya. Halatang frustated.

"Bahala na nga siya. Marunong naman sumunod iyon." Sunod-sunod ang pagnanalita niya.

Wala ako masabi. "Intayin mo na, baka kung saan pa mapadpad yun. Ang laki pa naman ng lugar na ito." Sabi ko nalang. Syempre para may memasabi.

"Matagal pa 'yun. Hula ko nga kakasimula palang nun maligo." Parehas kaming nagtawanan sa maliit na bagay na paliligo ng kapatid niya. Siguro Grade 11 palang ito at lalaki rin. May mga lalaking magkapatid talagang hindi mapaghiwalay. Sana all close
sa kapatid.

Pumaroon na kami sa unang pasilidad at binuksan ko na ang pinto na kung saan nakapaskil ang "Museum of Technology," dito ang unang destinasyon namin.

"Both of You, Come here!" Sabi sa malaki at nakakatakot na tono ng boses.

Tumatawa naman ang mga bugok kong kaibigan banda sa likod. 'Di ko nalang sila pinansin habang nakalabas ang kanilang hintuturo na sumesenyas ng lagot.

Ano kaya ang gagawin sa amin ni Sr. Daryl. Siya ngayon ang may hawak ng facility na ito. Facility na kung saan nakahimlay ang mga makalumang kagamitan na
pinagbasehan ng maraming teknolohiya sa panahon ngayon.

Improvement ng monitor. Improvement ng camera, cellphone, computer at marami
pang iba. Tell ko maya. Papagalitan pa kami. Charr

Pinapasok si Matheo sa isang capsule. Capsule na kasya lamang ang isang tao.

Sinarado na ni Sr. Daryl ang pinto at pinabayaan lamang si Matheo doon sa loob. Hindi kaya ma-suffocate yung lalakeng yun dun? Kumuha si Sr. Daryl ng isang mahabang espada at saka hinahasa sa gilid ng capsule. Pinahawak niya sa akin ang espadang ito.

Inutusan niya akong isulot ito sa butas na nasa capsule. At ang magaling na si ako ay sinunod naman na isaksak sa butas ang espada. Sinabi niya sa madla na may labasan sa likod ang butas. Mukhang nagdedemo si Sr at kami ang nakuhang volunteer.

Inutusan niya muli ako na pumunta sa likod ng nasabing capsule para i-check kung may lalabasan ang mahabang espada.

Nang pagkakita ko...ayun isang malaking P-U-T-* ang ginawa ko.

Nagmalfunction na ang utak ko. Ano nagawa ko? Shet may dugo. Mula sa loob ng capsule, umaagos ang dugo.

Nagmadali akong pumunta sa harapan upang buksan ang pintuan. Seryoso namang napatitig si Sr. Daryl sa akin na lubusan ko naman kinatakot.

Inabot ko ang buksanan ng pinto at mabilis niyang sinunggaban ng kaniyang malaking kamay ang kamay ko.

"May dugo po sa likod baka napahamak na po si Matheo," pagmamakaawa ko ngumiti lang siya ng nakaloloko at umiling lang siya.

Wala namang muwang ang mga nanonood na tila wala silang pakeelam. Baka iniisip nilang kalokohan lang ang lahat at palabas ni sr Daryl ang mga nagaganap.

"Matheo, okay ka lang ba dyan sa loob?" pasigaw at hinahampas ko na ang capsule.

"Gawa sa sound proof ang mga materyales na ginamit diyan. Wala siyang maririnig mula sa loob niyan. At sinong Matheo? Walang Matheo dito." Ika nito sa mababa at seryosong boses. Hindi ako maaapektuhan ng pagkukunwari niya.

"Yung lalake po sa loob. Matheo po ang ngalan. Please palabasin na po ninyo siya."

Sinenyasan na ni Sr. Daryl ang dalawang armadong lalaki na malapit sa amin at saka inutusang dakpin na ko. Ako lang ang gumagawa ng sobrang ingay at ang lahat, parang natuliro at pinagmamasdan lamang ako, they bet I was acting like a fool.