ASTILLBE (Completed)

Part (46) (ကြောင်ငပျင်းလေးက အရက်သောက်တာကိုမကြိုက်ဘူးတဲ့)

Zawgyi

ကွန်ဒိုတိုက်ခန်းတစ်ခုအတွင်းမှာဖြစ်သည်။ Key ပစ္စည်းတွေသိမ်းထုတ်ရန်အတွက် မရောက်တာကြာပြီဖြစ်တဲ့ တိုက်ခန်းဆီရောက်လာခဲ့သည်။ အခန်းကဖုန်တတ်နေရမည့်အစား သန့်ရှင်းလို့နေသည်။ ဒီတိုက်ခန်းက ရဟန်ခွန်းသနဲ့ Keyတို့ကျောင်းသားဘဝက ငှါးနေတဲ့ကွန်ဒိုတိုက်ခန်းဖြစ်သည်။ အစကတော့ ငှါးနေဖို့သာဆုံးဖြတ်ထားသော်လည်း ရဟန်ခွန်းသက Keyမသိခင်အချိန်မှာပဲ ထိုတိုက်ခန်းကို ငွေပေးချေလိုက်ပြီးသားဖြစ်နေ၏။ ပိုက်ဆံရှိတဲ့ကောင်ဆိုတော့ သူဖြစ်ချင်ရင်ချက်ချင်းဖြစ်သည်။ အစပိုင်းက မိမိတို့မိသားစုကို ဖျက်ဆီးထားသူ၏ သားဖြစ်၍ မုန်းတီးခဲ့သော်လည်း အခုတော့ ဘာမှန်းမသိတဲ့ခံစားချက်က ကိန်းအောင်းလို့။

" ဘယ်သူရှိ​နေတာလဲ "

ရေသံတွေကြားနေရတာကြောင့် Key အိမ်ထဲကိုဖောက်ထွင်းသူတစ်ယောက်ယောက်ဝင်လာတာဟုထင်လိုက်မိ၍ ဆောင်လေ့ရှိသည့် ဓားတိုကိုကိုင်ကာ အခန်းနားတိုးကပ်သွားလိုက်သည်။ အခန်းထဲမှာတော့ အသုံးအဆောင်ပစ္စည်းများကနေရာမရွေ့ပေ။ ဒီတိုက်ခန်းရဲ့သော့ရှိသူက ရဟန်ခွန်းသနဲ့ Keyနှစ်ယောက်ထဲပင်ရှိတာမဟုတ်လား။ ဒီလူက ရဟန်ခွန်းသဖြစ်လောက်သည်။ Keyသူနဲ့မတွေ့ချင်ပေ။ ကိုယ့်ကိုကိုယ်စိတ်ပျက်၍ဖြစ်သည်။ ကိုယ်ကသူ့ထက်လူကောင်ကြီးပေမယ့် အမြဲတမ်းအောက်မှာ ဖိခံနေရတာကြီးက ယုတ်တိသိပ်မရှိပေ။

ရေသံတွေတိတ်သွားပြီး ရေချိုးခန်းတံခါးပွင့်လာသည်။ Key နံရံအကွယ်မှာပုန်းနေလိုက်ပြီး စောင့်ကြည့်နေလိုက်၏။ ရေချိုးခန်းထဲမှထွက်လာသူက ငွေမှင်ရောင်ဆံပင်တို့ကို တပတ်တစ်ထည်နဲ့သုတ်နေသည်။ ရွှေအိုရောင်ဆံပင်များက ငွေမှင်ရောင်သို့ပြောင်းလဲသွားပြီဖြစ်သော်ညား ရုပ်ရည်ကတော့ အလွန်ကြည့်ကောင်းသည်။ Keyလောက်တော့ကြည့်မကောင်းပေမယ့်ပေါ့။ ရဟန်ခွန်းသဆိုတဲ့ကောင်က အလှလေးနဲ့တူပေမယ့် အလှလေးမဟုတ်။ ဘယ်အလှလေးက သန်သန်မာမာယောကျာ်းကို တစ်ချက်ထဲနဲ့အလဲထိုးနိုင်မှာလဲ။ Key ရဲ့တွေးခေါ်နိုင်စွမ်းတွေမှားယွင်းနေခဲ့တာဖြစ်မည်။

ကျစ်! ရာဇဝင်ရိုင်းလိုက်တာကွာ တစ်ခါမဟုတ် နှစ်ခါမဟုတ်။

" ဟမ့် "