ဘားတစ်ခုမှာ စားပွဲထိုးအဖြစ် သူအချိန်ပိုင်းအလုပ်ရခဲ့သည်။ဒါကလည်း ဟောက်ရွှမ်ကူညီတာ။ဘားဆိုပေမဲ့ အရမ်းကြီးဟော့နေတဲ့နေရာမဟုတ်။လူကြီးလူကောင်းတစ်ချို့နဲ့ အေးအေးဆေးဆေးအနားယူချင်တဲ့
သာ ရံဖန်ရံခါလာတက်ကြတာမလို့ ဆူညံနေတဲ့နေရာမဟုတ်ပါ။သံစဥ်ငြိမ့်ငြိမ့်လေးတွေနဲ့ တိတ်ဆိတ်နေသူများသာ ဖြစ်သည်။လခလည်းကောင်းပြီး အတန်းချိန်တွေဖျက်ဖို့ မလိုတော့တဲ့အတွက် ရိပေါ်ရဲ့ Tuto အမှတ်တွေက ခါတိုင်းအပတ်တွေထပ် အများကြီးပိုကောင်းလာခဲ့သည်။စာလည်းတော်သလို ရုပ်ချောတဲ့ရိပေါ်ကို ပေကျင်းတက္ကသိုလ်မှာ မေဂျာမတူဘဲတောင် တကူးတက လာကြည့်ရတဲ့ မိန်းကလေးပေါင်းများစွာရှိသည်။ချစ်သည်းတစ်ယောက်ကလွဲရင် ဘာကိုမှခေါင်းထဲမထည့်တဲ့ ဝမ်ရိပေါ်ကတော့ ဒါတွေကို သိမယ်မထင်။
" သားမက်ဝမ် ပြန်လာပြီလား "
ရိပေါ် အလုပ်ပြီးတာ ညကိုးနာရီဆိုတော့ သူ
အိမ်ပြန်ရောက်တဲ့အချိန်ဆို ကိုးခွဲလောက်ပေါက်သွားတက်သည်။ညကိုးနာရီကျော်ရင် ဘတ်စ်ကားတွေလည်း အလုပ်မလုပ်တော့တာမလို့ ဟောက်ရွှမ်းစီက ငှားတဲ့ စက်ဘီးနဲ့သာ ရိပေါ် အသွားအပြန်လုပ်နေကာ ဒီစက်ဘီးလေးက ဟောင်းနေလို့ ဟောက်ရွှမ်းမစီးဘဲပြစ်ထားတာကို ဝမ်ရိပေါ်က ကောက်ပြင်ပြီးစီးနေတာ။ဧည့်ခန်းမထဲမှာ ကာဖီတစ်ခွက်နဲ့ ဇာတ်ကားကြည့်နေရင် ယောက္ခမလုပ်သူက စနှုတ်ဆက်လာတော့ မသိသလိုကျော်ချလို့မရတော့ပေ။ယောက္ခမတွေကတောင် ဝမ်ရိပေါ်
ကိုသားအရင်းလို ဆက်ဆံပေးသေးတာပဲ ရိပေါ်ဘက်ကလည်း တန်ပြန်မေတ္တာပြန်ပေးရဖို့ ဝန်မလေးပါ။" ဟုတ်ကဲ့ မာမီ။မာမီ မအိပ်သေးဘူးလားဗျ "
" သားကျန့်က ဒီညအိမ်ပြန်နောက်ကျမယ်ဆိုလို့လေ။ရုံးမှာ ညစာစားပွဲရှိတယ်ဆိုလား "
" ညစာစားပွဲ? "
" သူ့ဒယ်ဒီလည်း ပါသွားပါတယ်။သားတို့ဒယ်ဒီက နိုင်ငံရေးတစ်ဖက်နဲ့ကုမ္ပဏီတစ်ဖက်နဲ့ လက်ကိုမလည်တာ "
ရိပေါ်မျက်နှာမကောင်းတာကို ကြည့်ပြီး မာမီက ဖြေရှင်းချက်ပေးလာတာ ရိပေါ်သိသည်။ရိပေါ် စိတ်မချတာ ချစ်သည်းမဟုတ်ဘဲ ချစ်သည်းဘေးကကောင်တွေပဲ။သူတို့အရည်အချင်းရှိတာ မရှိတာ ဝမ်ရိပေါ်မသိ။ရိပေါ်သိတာက တစ်ကောင်မှ ထောင့်မကျိုးတာပဲ။