[Unicode]
" ကျွန်တော် တိမ်...ယံ...ဆင့်...ကို ဘယ်တုန်းကမှ မချစ်ခဲ့ဖူးဘူး "
နားထဲသို့ ဖန်တစ်ရာထပ်နေအောင် ပဲ့တင်ထပ်နေသော စကားသံမှာ ချစ်သူရဲ့ပါးစပ်ဖြားမှ ထွက်လာသည့် ထိုစာကြောင်းတစ်ကြောင်းမျှသာ။ Ipad သားကြားခံနယ်ဖြစ်မနေလျှင် ပြဒါးရံနှင့် မျက်ဝန်းခြင်းယှဉ်၍ ထိုသူ့နှုတ်ခမ်းမှ ထွက်လာသောစကားတို့ကို ကိုယ်တိုင်ကိုယ်ကျ နားဆင်ရမည်ဖြစ်သည်။ သို့သော် ယခုအခြေအနေမှာလည်း အရမ်းတေ့ာ ကွာခြားမနေခဲ့ပေ။ နှလုံးသည်းမွှာတစ်ခုလုံး မီးမြိုက်ခံရသည့်နှယ် တိမ်ယံဆင့်မှာ ပူထူနေလျက် မျက်ဝန်းများက ဆောက်တည်ရာမရ ပန်းတိုင်ပျောက်ဆုံးနေပေသည်။
" တကယ်ပဲလား တိမ်ယံဆင့်ဘက်ကပဲ တစ်ဖက်သက်လိုက်ကပ်နေခဲ့တာလား "
ပြောနေကြသည်မှာ တိမ်ယံဆင့်၏ အမှားတွေကြီးပါပဲလို။
" ပြဒါးရံကို လိုက်ရတဲ့အကြောင်းပြချက်ကို ပြောပါ ။ချမ်းသာလို့လား "
သူဟာသိုက်တူးသမားတစ်ယောက်လို
" အဲ့လိုလုပ်နေတာကြာပြီလား "
အရင်ထဲက ရည်ရွယ်ချက်ရှိရှိ ချဉ်းကပ်ခဲ့သလိုမျိုး လူတိုင်းရဲ့နှုတ်ခမ်းထက်မှာ ချေမွခံရတော့မည့် ပန်းတစ်ပွင့်ဖြစ်နေခဲ့သည်။
" ပြန်ဖြေပါဦး တိမ်ယံဆင့် ။ ဒီတိုင်းပဲ နှုတ်ပိတ်နေတော့မှာလား "
လူပေါင်းများစွာ၏ အမဲဖြတ်ချင်နေသော အသံများမှာ တိမ်ယံဆင့်ကို ခြောက်ကမ်းပါးအစွန်မှ ခုန်ဆင်းသွားပါစေရန် တွန်းအားပေးလျက်ရှိနေသည်။
" နားနေခန်းကို ပြန်ရအောင် ဆင့် ဒီမှာထပ်မနေသင့်တော့ဘူး "
လေပြေရှင်းတစ်ယောက်ကတော့ သူ့ကိုစိုးရိမ်စွာ နားချနေပြန်လေသည်။ သို့သော်သူဟာ ဘာကိုမှနားထဲမဝင်တော့ချေ။ ထိုသူ့ကိုတွေ့ပြီး မျက်နှာချင်းဆိုင် သူမေးကြည့်ချင်သည်။ ဘာလိုများ အဲ့လိုလုပ်ရတာလဲ ဆိုတာပေါ့။ ဒီအတောအတွင်းမှာ သူဘာတွေကိုများမှားခဲ့လို့လဲ သူ့အပေါ်ဘယ်လိုတောင် လုပ်ရက်နိုင်ရတာလဲ ။ အစထဲက သူ့ကိုမချစ်ခဲ့ဘူးဆိုတဲ့စကားက သူ့ပြောနေကျစကားနှင့် လုံးဝဆန့်ကျင်နေခဲ့သည်တိုင် ထိုသူကိုယ်တိုင်ပြောခဲ့သည့် စကားဖြစ်သည့်တိုင် သူ့နှလုံးသားက လက်မခံနိုင်သေးပေ။ အရာအားလုံးဟာအမှန်တွေဆိုတာ သိပြီးနောက် သူ့ဟာထိုကိစ္စကို လက်ခံဖို့ ရဲစွမ်းသတ္တိတို့ပျောက်ဆုံးနေခဲ့သည်။
YOU ARE READING
Hate Poem Written With Love࿐
Fantasyရင်ထဲမှာ နက်ရှိုင်းစွာနာကျင်စေတဲ့ ခံစားချက်ကို ဆွဲထုတ်လိုက်တဲ့အခါ မင်းကြောင့်ပဲဆိုတာ သိလာတယ်။ " မင်းဟာလေ....စေ့ပိတ်ထားတဲ့ တံခါးတွေကို ဆွဲဖွင့်ပြီး ဒူးထောက်လာအောင် ပြုစားနိုင်တယ်။ " " မင်းဟာလေ.....အကြည့်တစ်ချက်နဲ့ ကိုယ့်အသိစိတ်ကို လောင်ကျွမ်းစေနိုင်...
