حكايه عمر

اقتباس

حمل عمر حقيبته الرياضيه علي كتفه واتجه الي الخارج لتتجه إليه تلك الفتاه ذات القوام الرشيق تتهادي علي ظهرها خصلات شعرها المرفوعة فوق راسها لتقول بتدليل : عمور انت رايح فين مش اتفقنا هنخرج سوا  ؟
ابتسم عمر لها قائلا : معلش يا حياتي عندي شغل
أطلقت الفتاه ضحكه متغنجه : انت بتتكلم جد وانت من أمتي بتشتغل
ضحك عمر ومال ليستند الي سيارته الفارهة ليشير الي الفتاه أن تقترب فسرعان ماكانت تميل تجاهه ليهمس تجاه أذنها بمرح : شايفه اللي هناك ده
التفتت الفتاه تجاه ايهم الذي كان يتجه الي سيارته  ويلقي بها حقيبته الرياضيه ليتابع عمر : ده المدير بتاعي جاي ياخدني عشان عندي مأموريه
تطلعت الفتاه لحظه تجاه ايهم ذو الملامح الصارمه لتلتفت الي عمر وتضيق عيناها : انت بتضحك عليا وبتزوغ مني
رفع عمر حاجبيه : انا يا حياتي ...طيب اهو قدامك اسأليه. .... مال تجاه أذنها مجددا : هخلص شغل واكلمك ...سلام يا حياتي
اومات الفتاه ليشير عمر إليها بينما اتجهت الي سيارتها بمشيتها المتغجنه وانطلقت بها
رفع ايهم حاجبه واستند الي مقدمه سيارته هاتفا : بقي عندك ماموريه
اوما له عمر ضاحكا : حصل
وكزه ايهم : وده من أمتي ....ده لولا علاقات ابوك كان زمانك واقف تسحب الرخص في كمين في نوبيع 
ضحك عمر وهز كتفه بغرور : ولما اروح نوبيع تعمل ايه انت من غيري
شاكسه وتابع بغمزة شقيه : ده انت متقدرش تستغني عني
زم ايهم شفتيه الصارمه وهز كتفه باستسلام : طيب وزوغت من حياتك ليه ؟!
ضحك عمر علي ذلك اللقب الذي يطلقه علي اي فتاه ليس لأنها حياته بل لأنه لا يتذكر احيانا اسمها من كثره الفتيات حوله
: ابدا هقضي اليوم مع ريم ...بقالي اسبوع مشوفتهاش
نظر ايهم إليه قائلا بمرح : قلبك ده عامل زي الباركينج دي داخله ودي خارجه ومش بتقول لواحده لا
ضحك عمر وغمز له بشقاوة  : بس ريمو راكنه متقلقش
نظر له ايهم وقال بمغزي : ماهو لو راكنه صح مكنش غيرها بقي داخل طالع ...مش كده ولا ايه يا ابن السيوفي
رفع عمر حاجبه وحك ذقنه قائلا بهروب : مش اوي .....هي تقدر تقول كده في حته تانيه غيرهم وعشان كده اللي يدخل واللي يخرج حاجه وهي حاجه
تنهد ايهم قائلا : ياريت تكون كده ومش بعد شويه تزهق وتهرب وتقولها عندي ماموريه
هز عمر رأسه وهو يفتح باب سيارته : ولو حصل وزهقت ما اخلع منها فيها ايه ....

قراءه ممتعه بقلم رونا فؤاد
(انتظروا الروايه الجديده قريبا ..... ❤️❤️ )