حكايه عمر

مناقشه

روايه حكايه عمر حاله ....حاله هتكمل مع اكتمال الفصول .....ترقب وانتظار الأحداث متعه وإعادتها متعه مع التمعن في كل جزء فيها ....حاله هتسيب جوانا اثر سواء عليا ككاتب أو قاريء ... مش مجرد شويه احداث رومانسيه .....
في البدايه كانت فكره الروايه هي جواز عمر من بنت سهل السيطرة عليها لانه ورث من أبوه حب التملك والسيطرة والبنت هتتمرد عليه ولما قريت ودرست الشخصيه النرجسيه حسيت انها اعماق لازم أغوص فيها ....شخصيه لازم كل واحد فينا يكون قابل زيها بالرغم من حاله الاستنكار لوجود مثله إلا أن مستحيل ميكونش مر علينا زيه ....جايز في قراء كتير لسه صغيرة في السن ومقابلتش ناس كفايه عشان تحكم أو لسه مشافتش عمق شخصيه قدامها ولكن انا متاكده أن القراء الذين تجاوزا الثلاثون شافوا زي عمر ومراد وأيهم .....شباب كتير فيهم من عمر الانانيه وزي مراد ازواج كتير وأيهم الوجه المثالي لداخل اخر
في ناس كتير ممكن تكون شايفه أنها كئيبه أو ممله ولكن بالنسبه ليا حاله استمتعت بعرضها وحابه اشوفها بتكبر وأشوف ردود الأفعال بتختلف كل فصل مع اظهار جانب جديد من الشخصيات فكل فصل حكم جديد مختلف لأننا بتشوف جزء جديد من الشخصيات ....بالنسبه ليا الروايه أحداثها مترتبه فوق بعض ومفتكرش ابدا كنتوا هتقتنعوا بأي حاجه لو حصلت فجاه ....لو ممهدتش لشخصيه عمر عمرنا ما كنا هنوصل اللي هيوصله لكده ولا ازاي وسيله طلعت معاه السلم واحده واحده مش هتكون مقنعه في انتقام الا لو شوفنا وعيشنا معاها اللي حصل لها ....غرام مينفعش فجاه حياتها تتصلح لمجرد فصلين دموع ولا جوري ترجع لمراد بكلمه حلوة وورد لازم صعود وهبوط .....لازم محاوله واتنين وتلاته عشان نعرف لما نوصل للنهايه اننا عملنا اللي علينا
في النهايه حكايه عمر حاله ارجو تكونوا استمتعوا بيها وقد قاربت الأحداث علي الربع الأخير ....انتظروني في فصل جديد بكرة أن شاء الله ومنتظرة رايكم في الأحداث والشخصيات
...دمتم سالمين