حكايه عمر

مناقشه

سؤال كتير أغلبنا بيسأله. .... عمر بيحب وسيله طيب ازاي لما يحبها يعمل فيها كده طيب ازاي بعد الحب ده هيعمل فيها اللي جاي وتنتهي قصه الحب وتتحول للانتقام ....طيب ماهو بيعرف يتصرف ليه جت عند وسيله وسايبها كده
الاجابه جوه شخصيه عمر ....شخصيه نرجسيه واضحه جدا في كل تصرفاته وأوضح حاجه فيها هي حبه لنفسه وكل حاجه بعملها أو بتحصل بتتمحور حول نفسه فقط
من الاول كده ...ريم كانت علاقه خفيفه بتسلي فراغه وبتنفذ اي طلب له من غير نقاش وراضيه بكل عيوبه وشايفاه حاجه كبيرة وصلنا للجواز اوك مع أنه كان متردد ليه لانه كان بيعمل حاجه عشانها مش عشانه لما عيطت والنتيجه كارثيه لما عرف الحقيقه اللي اثبت بيها لنفسها أنه لما عمل حاجه لحد غير نفسه اتخان واتعنل فيه كده وبالتالي ريم بقت عدوه له خلص منها بكل ذل واهانه عشان يرد لنفسه كرامته .....وسيله بقي لو تفصيل مش هتطلع علي مقاسه كده ..حاجه فيها كل اللي بيتمناه بتحبه لنفسه مش مش شايفه أن فيه عيوب لا شايفه بس قبلاها وحباه بكل ما فيه طيبه مريحه بمعنى اصح واصله لقلبه وإحساس الراحه معاها لا بيدخل في جدال ولا خناق ولا احكام ولا اي محاوله لإثبات أنه كويس وبالتالي وسيله زي ما بيوصفها الحته المنورة اللي في حياته وفعلا هي كده وبالتالي ماسك فيها وكل ما يتعلق بيها اكتر كل ما يخاف أنها تبعد عنه لأنها الوحيده اللي وصلت لمكانه محدش وصل ليها وكل اللي بيعمله من عزلها هو بدافع حبه النرجسي لها عاوزها ليه لوحده وده الوجه التاني لحبه لعاصم بس بطريقه تانيه وهي أنه عاوز عاصم يشوفه بعيون الفخر مهما يقول عكس كده وزي ما عاصم الوحيد اللي عمر بيقف عنده ويتغير كليا لمجرد رضاه عنه وسيله كمان ليها نفس للتاثير واكتر ولكنها متعرفش وبالتالي عمر فارض سيطرته ولكن
ما أن تدرك أن عمر هو اللي ميقدرش يعيش من غيرها تقدر تسيطر عليه وتحركه بإشارة منها
عمر قدر صعوبه شخصيته قدر بساطه التعامل معاها ولكن بالاسلوب الصحيح زي سيف اسلوب الترك احيانا والتفخيم والهدوء والعصبيه والشد والجذب مش لازم كل مره سيف يطبطب لا اوقات يشد اوقات برخي عاصم اغلب الوقت بيشد بس لو عرف الوقت الصحيح لكل رد فعل هيكسب عمر
الخلاصه أن وسيله لسه مشافتش شخصيه عمر ولا تفهم عنها شيء ومننساش أنه اغلب الوقت مش معاها وبالتالي بتشوف الحلو لسه معرفتش حاجات كتير ومش ذنبها أنها حبته وبالتالي تستحق انتقامها منه .....!
الاسئله التانيه بس انتوا جاوبوا عليها ...غرام وأيهم وقصه الحب المنتظره ....هو بعيدا عن الافلام والروايات وفي الواقع ممكن اسال الاول ازاي بنحب وليه ...يعني هل في الواقع الراجل الغني بيحب البنت الطيبه من اول نظره ولا بيحب البنت اللي تجذب نظره...هل بيحب شخصيه ولا كيان هل لما واحد يتقدم لواحده بيشوف كامل الصورة ويشوف مناسبه له هي وعيلتها ولا لا ....التركي اثر علي دماغنا يابنات يا حلوين ده لما واحده ابنها دكتور بتشوفه لازم يتجوز دكتورة ولما واحده بنتها مهندسه مش بترضي بخريج تجاره بالرغم من اعتراضي علي المقاييس دي ولكنها واقع موجوده وفي ببتقي البنت البيضا والسمر كخ عيب نفضل نفكر أن الراجل ابو عربيه وقصر هيقع في حب بنت اتخانقت معاه في الشارع وعاندته مفيش الكلام ده 🤣🤣 هنا هسيب ليكم الاجابه بنحب ونختار ازواج وزوجات بناء علي ايه ؟!
مستنه مناقشتكم ...دمتم سالمين