The Girl at 829 (girlxgirl)

Chapter 18

Naging masaya ang pamamasyal nina Jane at Marsha sa Glorietta. Nag-shopping sila ng konti. Jane bought a pair of shoes and jeans, while Marsha bought some wash day clothes. Nanood din sila ng movie at pagkatapos ay kumain sa paboritong food chain ni Marsha na McDonald's. Pagkatapos ng ilang oras na window shopping at paikot-ikot sa mall ay nag-yakag nang umuwi si Marsha.

One hour na silang nakatayo at naghahanap ng taxi na masasakyan. At sa wakas ay may nakita na silang Kia Pride taxi kaya't dali-dali nilang pinara ito. Binuksan ni Marsha ang pinto sa likod, "Manong, sa may Taft lang?" tanong ni Jane sa driver ng taxi habang hawak-hawak ang pinto nito.

"Hinde, malayo na 'yun. Tapos wala pa akong masasakay pabalik," sagot ni Manong taxi driver in his Visayan accent.

"Sige na Manong, magdadagdag na lang kami. Kanina pa kami dito eh," giit pa ni Jane.

"Hindi talaga pwedi, subrang trapik pa 'dun," sabay kamot sa ulo ni Manong driver.

Sumuko na si Jane at hindi na nakipagtalo pa sa taxi driver. At dahil sa inis niya, iniwan niya na lamang na nakabukas at nakatiwangwang ang pinto ng taxi. Kamot-ulong bumaba ang driver para isara ang pinto ng kanyang taxi.

"O, bakit mo iniwang bukas yung pinto ng taxi?" Nagtatakang tanong ni Marsha.

"Hayaan mo siya. Dapat lang 'yon sa kanya. Bad trip siya! Ang dami-daming pasahero tapos namimili pa siya ng ruta niya!—Tara mag bus or FX na lang tayo at mukhang wala tayong pag-asang makasakay dito," galit na yaya ni Jane kay Marsha.

At naglakad nga ang dalawa papuntang bus terminal. Sa kanilang paglalakad ay kasabay nila ang hindi mabilang na dami ng tao. Of all sorts in life, sabi nga nila. May pamilya, galing sa opisina, may mga estudyante, magkasintahan, nurse, madre at kung sino-sino pa.

Naalala tuloy ni Marsha ang Christmas rush and how she hated it. Kasabay nito ang taon-taong pagsama sa kanya ng Nanay niya sa Baclaran para mamili ng kanilang isusuot sa Pasko. Pati na rin ang pamimili ng pang Monito-Monita nilang magkakapatid, at mga Christmas gifts para sa kanilang mga pinsan at iba pang kamag-anak. Mahigpit ang pagkakahawak ng Nanay niya habang sinusuong nila ang mataong kalye ng Baclaran. Kadalasan pa nga ay nababangga at naapakan ang kanyng mga paa. Simula nagkamuwang siya ay ganito ang kanyang naaalala pagsapit ng umaga sa unang araw ng simbang gabi.  

"Aray!" Naputol ang pagmumuni-muni ni Marsha nang may biglang bumanggang babae sa kanya.

Nang dumating sila sa bus terminal ay hindi magkamayaw ang napaka-kapal na tao. Mga taong mukhang handang pumatay at ibigay ang lahat sa ngalan ng pagsakay sa bus. Magulo ang terminal. Watak-watak na ang pila. Wala ni isang sasakyan na makikita. Wala man lang kahit kolorum na masakyan. Ang usap-usapan doon ay may biglaan daw na rally ang mga PUV drivers sa may Ayala Triangle. At lahat ng mga PUV drivers ay hinihikayat nilang makiisa at may pagbabanta na papaulanan ng bato ang magtangkang pumasada pa. OMG!

Kaya't nagpasya na lamang sina Jane at Marsha na maglakad patungong EDSA. Magbabakasakali ang dalawa na may magsakay sa kanilang taxi or may masakyan man lang silang bus or kahit na FX. Lumipas pa ang isang oras, bakas na sa dalawa ang pagod at ngawit sa pagkakatayo - wala pa ding masakyan.

 "Pag isang araw lang, pwede bang mag-leave sa branch n'yo?" mabilis na tanong ni Jane.

"Pwede naman as long as valid ang reason," sagot ni Marsha habang ginagawa niyang pamaypay ang scarf na hawak.

 "Pag short notice leave, pwede?" dagdag pa ni Jane.

 "Pwede naman—Teka, bakit mo ba naitanong?"

"Basta!" Jane exclaimed.

Nagulat si Marsha nang biglang pinara ni Jane ang dumarating na aircon bus. "Wait, bakit tayo sasakay dyan?" tanong ni Marsha.

Bumukas ang pinto ng bus at mula sa kinatatayuan nila ay naririnig ang malakas na tugtog ng "Alapaap" ng Eraserheads. Kinalampag ng kondoktor ang bus at sumigaw na bilis-bilisan ang pagsakay ng mga pasahero at lalakad na rin ito. Habang pasakay si Jane, inabot niya ang kamay kay Marsha, "Do you trust me?" tanong ni Jane.

Marsha didn't answer the question, instead she reached and gave her right hand to Jane. Sa pangalawang pagkakataon, kinalampag ng kondoktor ang bus at sumigaw siya, "Byahe na."

 Sa harapan ng bus makikita ang sign of destination: TAGAYTAY CITY