{Unicode}
အခန်း(၆၀)
သူနှင့် စုကျစ်ရပ်နေသည့် စင်္ကြံထောင့်တစ်နေရာမှာ တစ်လောကလုံးနှင့် စည်းခြားထားသည့်အလား တိတ်ဆိတ်ငြိမ်ကျသွားသည်။
" စိတ်ကူးယဥ်စရာ ?၊ ကျွန်တော်တော့ မိုက်မဲတယ်လို့ပဲ ခံစားရတယ် "
လီလော့၏ နှုတ်ခမ်းတွေသည် ပြုံး၍နေကာ မျက်ဝန်းတွေကလည်း တစ်ဖျတ်ဖျတ်တောက်ပလျက်။
" အဲ့လို ရူးပုံမျိုး၊ တုံးကလည်း တုံးလိုက်သေး "
စုကျစ်သည်လည်းပဲ ပြုံးလိုက်ပြီး
" အဲ့လိုထင်တယ်ဆို သူ့ကို အလင်းပြပေးမှပဲ ရတော့မှာ "
" ဟုတ်တယ်၊ အလင်းပြပေးမှ ရမယ် "
လီလော့သည် နားနေခန်းရှိရာဘက်ဆီ လျှောက်သွားပြီး တံခါးလက်ကိုင်ဘုကို ကိုင်ပြီးကာမှ နောက်သို့ ပြန်လှည့်၍
" Mrs.စု "
" ရှင် ? "
" ဆောရီးဗျာ "
စုကျစ်သည် ခဏမျှကြောင်သွားပြီးမှ သဘောပေါက်သွားဟန်ဖြင့် ပြုံးလိုက်ကာ
" တောင်းပန်ဖို့မလိုပါဘူး၊ ပုံကို ရှင် ထည့်ခဲ့တာလည်း မဟုတ်ဘဲ၊ ပြောချင်းပြော၊ ကျေးဇူးတင်ပါတယ်ဖြစ်ရမှာ၊ တကယ်လို့ ကျွန်မပုံကိုသာ ထည့်မထားခဲ့ဘူးဆို ဒီတစ်လျှောက်လုံး တိုက်ခိုက်ခံရမဲ့သူက ရှင်ဖြစ်သွားနိုင်တာမို့လေ "
စုကျစ် သူ့ကို ကျီဆယ်လို၍ပြောမှန်း သိသည့်တိုင် လီလော့သည် လေးနက်စွာဖြင့်
" တကယ်ကို ကျေးဇူးပါဗျာ၊ နောက်များ ကျွန်တော့်အကူအညီ လိုခဲ့ရင် ပြောသာပြော၊ ကူညီဖို့ အသင့်ပါပဲ "
" ရှင် ပြောတာနော် "
စုကျစ်က အပြုံးဖြင့်
" တကယ်လို့များ တို့နဲ့ ပြတ်ဆဲလိုက်တဲ့ တစ်ယောက်က တို့အကြောင်း သွားပုပ်လေလွင့် ပြောလာခဲ့ရင်၊ အဲ့ခါကျ ဝန်းရံပေးရမှာနော် "
" အိုကေဗျာ၊ ခင်ဗျားက သူထိပါးချင်တိုင်း ထိပါးလို့ရမဲ့ မိန်းမတစ်ယောက် မဟုတ်ဘူးဆိုတာ နားလည်သွားအောင်ကို လုပ်ပေးလိုက်မယ် "
YOU ARE READING
After Dawn{မြန်မာဘာသာပြန်}
RomanceTitle: After Dawn (黎明之后) Author: Bing Kuai'er (冰块儿) Status: Completed with 87 chapters Translation Status: Ongoing *** I do not own this story. All the credits go to the original author, publisher and translator. *** "မင်း ငါ့ကို မချစ်ဘူးဆိုတာ လက်ခံ...