လျိုမောက်သည် အားနာနေသောအသံဖြင့် ပြောလာသည်။ "မစ္စစ်ရွမ်၊ ဆောရီးနော် ခဏနေကျရင် ကျွန်တော့်သူငယ်ချင်းတစ်ယောက်ပါ ပါလာလိမ့်မယ်ဗျ "
"သူငယ်ချင်းတစ်ယောက်လား" လျိုမောက်ဆိုလိုသည့် အဓိပ္ပာယ်ကို ရွမ်ယွီက နားမလည်ဘဲ သူမနှင့် ချိန်းဆိုမှုအား ပယ်ဖျက်တော့မည်ဟု ထင်လိုက်တာဖြစ်သည်။
"အရင်တစ်ခေါက်က ကျွန်တော်ပြောဖူးတဲ့ စီနီယာဆိုတဲ့တစ်ယောက်လေ ၊ အခု သူက ဒီနိုင်ငံကို ပြန်ရောက်နေတာ၊ ဒီလိုအမှုတွေဆို စိတ်ဝင်စားတက်လို့ ၊ အဲ့ဒါသူလည်း ဝင်ပြီးဆွေးနွေးချင်တယ်လို့ ပြောလို့ပါ "
ရွမ်ယွီ သက်ပြင်းချလိုက်မိသည်။ သူမအတွက် ထိုသည်က ကိစ္စမရှိဟု မှတ်ယူလို့ရပေသည်။
ထို့ကြောင့် အဆင်ပြေကြောင်းကို လျိုမောက်အား အားမနာနေစေရန် ရယ်လျက်ဖြင့် ပြန်ပြောလိုက်သည်။ "ကျွန်မအမှုကို ရှင်တို့ကုမ္ပဏီကရှေ့နေနှစ်ယောက်က လာနားထောင်ပေးတယ်ဆိုတော့ ကောင်းတာပေါ့ရှင် "
"အဲ့....." လျိုမောက်သည် ပြောရန် တွန့်ဆုတ်နေလေသည်။
"ဘာဖြစ်လို့လဲ"
လျိုမောက်က ဟန်လုပ်ကာ ရယ်လိုက်လေသည်။ "တကယ်တမ်းပြောရရင် သူက နိုင်ငံတကာစာမေးပွဲမဖြေရသေးတော့ ဒီနိုင်ငံမှာ ရှေ့နေမဖြစ်သေးဘူးဗျ "
ယခုမှ လျိုမောက် ဘာကြောင့်အားနာနေခြင်းကို ရွမ်ယွီ သဘောပေါက်သွားမိသည်။ သူနှင့်အတူပါလာမည့် 'မကျွမ်းကျင်သူ" အတွက် လျိုမောက်သည် သူမအား အလေးမထားဘူးဟု ရွမ်ယွီ ထင်သွားမည်စိုးနေခြင်းဖြစ်ရပေမည်။
ထိုစီနီယာဆိုသူသည် ဤနိုင်ငံတွင် ရှေ့နေမဖြစ်သေးသော်လည်း 'ရင်းနှီးမြှုပ်နှံသူ' ဖြစ်နေခြင်းက ဘာအတွက်လဲ ၊ အပျော်လုပ်နေတာများလား ။
"အဆင်မပြေဘူးဆိုလည်း....."
"အဆင်ပြေပါတယ်" ရွမ်ယွီက ချက်ချင်းပြန်ဖြေလိုက်သည်။
လျိုမောက်မှာ ကျဉ်းထဲကြပ်ထဲ ရောက်နေပုံရလေသည်။ ထိုသူအား မပယ်ရှားနိုင် မငြင်းဆိုနိုင်၍ သူမကို အားနာနေခြင်းဖြစ်ရပေမည်။
![](https://img.wattpad.com/cover/330931811-288-k686511.jpg)
YOU ARE READING
ကြမ္မာဖန်သော ပျော်ရွှင်မှု
Romance[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...