လျိုမောက်၏မေးခွန်းကို ဖြေရမည့်အစား ရွမ်ယွီ ပြန်မေးလိုက်မိသည်။ "မစ္စတာလျို၊ ရှင့်အစီအစဉ်အတိုင်းဆို ဒီအမှုကို ဘယ်လိုကိုင်တွယ်မယ် စိတ်ကူးထားလဲ"
လျိုမောက်လည်း အတန်ငယ် အံ့ဩသွားပြိီးနောက်တွင် ပြန်ဖြေလာသည်။ " တည့်ပြောရမယ်ဆိုရင်တော့ စာမူခိုးခံရတာကို သက်သေပြဖို့ပဲ "
ရွမ်ယွီမှာ တူညီသော အစီအစဉ်ပင်ဖြစ်သောကြောင့် " အာ "ဟု ပါးစပ်မှ လွှတ်ခနဲထွက်သွားသည်။
လျိုမောက်က သတိထားမိသွားကာ ပြန်မေးလာသည်။ " ဘာဖြစ်လို့လဲ၊ တစ်ခုခုဖြစ်တယ်ဆို ကျွန်တော့်ကို ပြောလို့ရပါတယ်၊ ရှေ့နေအနေနဲ့မဟုတ်ဘူးဆိုရင်တောင် မိတ်ဆွေအနေနဲ့ ကူညီပေးလို့ရပါတယ် "
ရွမ်ယွီမှာ တုန့်ဆိုင်းနေမိသည်။ " ကျွန်မစဉ်းစားနေတာက ကျွန်မဝတ္ထုက မူလဖြစ်တယ်ဆိုတာကို သက်သေပြချင်တယ်ဆိုရင်ရော အမှုအတွက်အဆင်ပြေပါ့မလားဆိုတာကိုပါ "
တစ်ဘက်မှ ခေတ္တတိတ်ဆိတ်သွားသဖြင့် ရွမ်ယွီလည်း အလိုက်သိစွာ ပြုံးလိုက်မိသည်။ "ထားလိုက်ပါတော့၊ ကျွန်မ....."
"ရတာပေါ့" လျိုမောက်က ကြားဖြတ်ကာ ပြောလာသည်။
"ရတယ်လား"
လျိုမောက်က အတန်ငယ်တွေးနေပြီးနောက်တွင် ဆက်ပြောလသည်။ "ဟုတ်ကဲ့၊ ရနိုင်ပါတယ်....."
သူ့အသံမှာ အနည်းငယ်ထူးဆန်းနေသည်ဟု ရွမ်ယွီထင်နေမိသည်။ " မိတ်ဆွေအနေနဲ့ ကူညီပေးတာဆိုရင်တော့ မဖြစ်နိုင်တာကို အတင်းအကြပ် လုပ်ပေးဖို့မလိုပါဘူးနော် "
"မဟုတ်ပါဘူး"
ရုတ်တရတ် အသံမြှင့်ကာ အော်လိုက်တာဖြစ်သဖြင့် ရွမ်ယွီမှာ ပဲ့တင်သံကိုပင် ကြားလိုက်ရလေသည်။
ထို့ကြောင့် "မစ္စတာလျို၊ စပီကာဖွင့်ထားတာလား" ဟု မေးလိုက်မိသည်။
"ဟုတ်ကဲ့၊ ဆောရီးနော်၊ ခဏလောက်စောင့်ပေးမလား၊ ကျွန်တော့်လက်မှတ်လိုတဲ့ စာရွက်စာတမ်းကိစ္စလေးတွေရှိနေလို့"
"ရပါတယ်"
ရွမ်ယွီသည် ဖုန်းမချလိုက်သော်လည်း တစ်ဘက်မှအသံကို မကြားရတော့ပေ။ အနီးရှိစင်မှ သတင်းစာများကို စူးစမ်းကြည့်နေလိုက်လေသည်။
YOU ARE READING
ကြမ္မာဖန်သော ပျော်ရွှင်မှု
Romance[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...
