ရွမ်ယွီ သန့်စင်ပြီးသွားသော သစ်သီးများကို ချပေးလိုက်ပြီးနောက် ရွှီမိသားစုအား ပြန်တော့မည့်အကြောင်း နှုတ်ဆက်လိုက်သည်။
ထောင်ရုန်နှင့် ရွှီဟွိုက်ရှီက မပြန်သေးရန်ပြောသော်လည်း မိသားစုကြားထဲတွင် သူစိမ်းတစ်ယောက်ရှိနေခြင်းမှာ အဆင်မပြေသဖြင့် ပြန်ခဲ့လိုက်လေသည်။
ရွမ်ယွီထွက်သွားသောအခါ ရွှီဟွိုက်ရှီက ပြောလိုက်သည်။ " ကိုကိုချက်ချင်းပြန်လာတာ မမရွမ်ယွီကြောင့်လား "
" ဘာမဟုတ်တာတွေ ပြောနေတာလဲ " ရွှီဟွိုက်စုန့် သူမအားတစ်ချက်ကြည့်ကာ ယခုအဖြစ်အပျက်အား သတိမူမိဟန်မရှိသေးသော ထောင်ရုန်အား လှမ်းကြည့်လိုက်သည်။
ရွှီဟွိုက်ရှီက သူ့အစ်ကိုအား ပြောင်ပြကာ ထောင်ရုန်၏ လက်မောင်းကိုဖက်လိုက်လေသည်။ " မေမေ သိလား၊ ကိုကိုက ခုနကမမကို လိုက်နေတာလေ "
ရွှီဟွိုက်စုန့်မှာ မျက်မှောင်ကြုံ့လိုက်မိကာ ချောင်းဆိုးသွားမိတော့သည်။
ထောင်ရုန်က အံ့သြသွားကာ သိလိုစိတ်ဖြင့် ပြန်မေးလာသည်။ " ဟွိုက်စုန့်၊ သား ဒီကို ပြန်လာဖို့ စိတ်ကူးထားတာလား "
ရွှီဟွိုက်စုန့် မျက်လွှာချကာ ပြန်ပြောလိုက်သည်။ " မသိသေးပါဘူး "
"ဪ....." ထောင်ရုန်က ပြုံးကာမတ်တပ်ရပ်လိုက်သည်။ " မား ရေချိုးခန်းထဲ သွားလိုက်ဦးမယ် "
ရွှီဟွိုက်ရှီ အမေဖြစ်သူ၏ လက်ကိုလွှတ်ပေးလိုက်ပြီး ထောင်ရုန် အခန်းတွင်းမှ ထွက်သွားသောအခါ လေသံတိုးတိုးဖြင့် ကပ်မေးလိုက်သည်။ " ကိုကို ၊ ငါပြောလိုက်တာ မှားသွားတာလား "
ရွှီဟွိုက်စုန့်က သူမအား စိုက်ကြည့်လိုက်ကာ ပြောလာလေသည်။ " သိသွားတော့လည်း တစ်မျိုးကောင်းတာပဲ "
"ဒါဆိုမှန်တာပေါ့နော် ၊ ပြန်လာဖို့စိတ်ကူးမရှိဘူးဆိုရင်လည်း ဘာဖြစ်လို့ မမရွမ်ကို လိုက်နေရသေးတာလဲ? အတူတူ အမေရိကန်ကို သွားဖို့ပြောမလို့လား၊ မေမေကတော့ ကိုကို့ကို ပြန်လာစေချင်နေတာနော် ၊ အကျိုးအကြောင်း ပြောပြထားတာမဟုတ်ဘူး"
YOU ARE READING
ကြမ္မာဖန်သော ပျော်ရွှင်မှု
Romance[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...
