ရွမ်ယွီ အိပ်ရာဘေးနားရှိ မီးအိမ်ကိုဖွင့်လိုက်သည်။ အိပ်ခန်းမှာ လင်းထင်းသွားကာ ရွှီဟွိုက်စုန့်ကလည်း ဖုန်းခေါ်လာ၏ ။
ရွမ်ယွီ ဖုန်းကိုင်လိုက်ကာ ကိုယ်ပေါ်ရှိစောင်ကိုဖယ်၍ အိပ်ရာမှ ထလာလိုက်သည်။ ထို့နောက် ခြေညှပ်ဖိနပ်ကိုစီးရင်း ပြောလိုက်သည်။ " ခဏနော်၊ ဖိုင်လ်သွားယူလိုက်ဦးမယ် "
" အင်း " ရွှီဟွိုက်စုန့်က ပြန်ပြောလာသည်။
အိပ်ခန်းတံခါးကို ဖွင့်လိုက်သောအခါ ပြတင်းပေါက်မှတစ်ဆင့် လျှပ်စီးလက်သွားသည်ကို ရွမ်ယွီ တွေ့လိုက်ရသည်။ လျှပ်စီးမှအလင်းသည် မှောင်နေသော ဧည့်ခန်းထောင့်သို့ ကျရောက်လာသည်မှာ သရဲကားဇာတ်ဝင်ခန်းနှင့်ပင်တူနေတော့သည်။
ရွမ်ယွီလည်း တွန့်သွားမိကာ မီးဖွင့်လိုက်ရသည်။ အကြောက်ပြေစေရန် ရွမ်ယွီ စကားစလိုက်မိသည်။ " မစ္စတာရွှီ "
" ဟုတ်ကဲ့ "
" အဲ့မှာရော မိုးရွာနေလား "
" ခုလေးတင် တိတ်သွားတာ "
" ဒါဆို မိုးက ဒီဘက်ကူးလာတာဖြစ်မယ်..... "
ရွှီဟွိုက်စုန့်က ဘာပြောရမှန်းမသိသဖြင့် တိတ်နေလေသည်။
ရွမ်ယွီမှာ ဖိုင်လ်ကို ရုတ်တရတ် ရှာတွေ့မနေချေ။ သူမ တစ်ခုခုအောက်တွင် ထိုးထည့်မိခဲ့ဟန်တူသည်။
ထို့ကြောင့် ခေါင်းစဉ်ပြောင်း၍ စကားဆက်လိုက်ရသည်။ " မစ္စတာရွှီ ၊ ရှင် ပြီးခဲ့တဲ့တစ်ခေါက်တုန်းက လူဆိုးတွေနဲ့တွေ့ရင် ဘယ်လိုရင်ဆိုင်ရမလဲဆိုတာသင်ပေးထားတော့ နောက်ထပ်မေးခွန်းများ မေးလို့ရမလား "
" အင်း "
" အကယ်၍များ ညကြီးသန်းခေါင် အမူးသမားတစ်ယောက်ကသာ ကျွန်မကို လာနှောင့်ယှက်ခဲ့မယ်ဆိုရင် အဲ့တုန်းကအတိုင်းပဲ ပြုမူသင့်လား "
" ..... "
[ T/N : အမူးသမားက သူဖြစ်နေတော့ ရှေ့နေကြီး ဆွံ့အသွားရှာပြီ 🤣 ]
ရွှီဟွိုက်စုန့်က ပြန်မဖြေသော်လည်း လေတိုက်သွားသဖြင့် တံခါးနှင့် ပြတင်းပေါက်များမှ တစ်ကျွီကျွီသံများ ထွက်လို့လာသည်။
![](https://img.wattpad.com/cover/330931811-288-k686511.jpg)
YOU ARE READING
ကြမ္မာဖန်သော ပျော်ရွှင်မှု
Romance[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...