[အခုမှပဲ နားလည်တော့တယ်၊ ကဗျာရေးသူက အကုန်ရှင်းပြပြီး တောင်းလည်းတောင်းပန်ပြီးပြီ၊ မဆိုင်တဲ့ 'စုချန်း'ကပဲ 'ဝမ်ရှန်း'ကို လိုက်နှောက်နေတာ၊ အပြင်မှာ မကြည်လို့ဖြစ်ရမယ်]
[တွေးမိလေလေ ကြောက်လာလေလေပဲ၊ စုချန်းက မကောင်းတဲ့သူမလား]
[သူက ဘယ်ကျောင်းကလဲ၊ အဆုံးထိ စုံစမ်းကြရအောင်]
[ကီးဘုတ်ပေါ်ကနေပြီးတော့ သူများကိစ္စကို စပ်စုနေလိုက်ကြတာများ၊ အရင်တုန်းကကြ 'ဝမ်ရှန်း'က်ို မကောင်းပြောတယ်၊ အခု 'စုချန်း'အလှည့်ရောက်လာပြီ၊ သူဘယ်ကျောင်း တက်ခဲ့တက်ခဲ့ နင်တို့အပူမှ မဟုတ်ဘဲ]
လူထုအမြင်ပြောင်းလဲတိုးတက်လာမှုသည် မျှော်မှန်းထားသည်ထက် ကျော်လွန်လို့နေသဖြင့် မှတ်ချက်များကိုဖတ်နေရင်း ရွမ်ယွီ မျက်မှောင်ကြုံ့လိုက်မိသည်။
ထို့နောက် ပို့စ်တစ်ခုကို မြင်လိုက်ရသည်။ [အရူးလုပ်မခံကြနဲ့ ၊ နောက်ကွယ်မှာ ပရိုကျတဲ့အဖွဲ့တစ်ခုခု ရှိကိုရှိရလိမ့်မယ်၊ 'ဝမ်ရှန်း'နောက်မှာ လူတွေအများကြီးရှိနေလောက်တယ် ]
ထိုသို့မြင်သောအခါ ရွမ်ယွီသည် အံ့အားသင့်သွားကာ အသေးစိတ်ဖတ်ကြည့်ရန်ပြင်လိုက်သည်။ သို့ပါသော်လည်း ထိုပို့စ်သည် ခဏအတွင်း ပျောက်သွားလေ၏ ။
ဆက်ဖတ်နေရင်း နောက်ထပ်ပို့စ်တစ်ခု တွေ့လိုက်ရပြန်သည်။ [လူထုအမြင်က ဒီလောက်တောင် ပြောင်းလဲသွားတာ တစ်ခုခုလွဲနေတယ် မထင်ဘူးလား]
ရွမ်ယွီ အသေးစိတ်ဖတ်ကြည့်ရန် နှိပ်လိုက်ပြန်သော်လည်း ပျက်သွားပြန်လေသည်။
ထိုစာများသည် စက္ကန့်အနည်းငယ်အတွင်း ပျောက်ပျောက်သွားနေလေသည်။ ပထမတစ်ကြိမ်သည် တိုက်ဆိုင်မှုဖြစ်နိုင်သော်လည်း ဒုတိယအကြိမ်ထပ်ဖြစ်သည်ကတော့ အဓိပ္ပါယ်မရှိချေ။
ရွမ်ယွီ ဂရုတစိုက်ဖြင့် လိုက်လံကြည့်ရှုနေမိသည်။ ရှေ့နေစာတမ်းနှင့် တရားရုံးမှ သတိပေးစာတို့ကြောင့်ဆိုသော်လည်း အဖြစ်အပျက်တစ်ခုလုံးသည် သေချာစီစဉ်ထားသကဲ့သို့ ဖြစ်နေလေသည်။
BẠN ĐANG ĐỌC
ကြမ္မာဖန်သော ပျော်ရွှင်မှု
Lãng mạn[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...
