လျိုမောက်မှာ ကြောင်တောင်တောင်ဖြစ်သွားလေသည်။ သူနှင့်ရွမ်ယွီမှာ ရွှီဟွိုက်စုန့်ကို နေ့လည်စာအတူစားရန် မဖိတ်ခဲ့မိချေ။
ရွမ်ယွီလည်း အံ့ဩသွားကာ မေးလိုက်သည်။ "ရှင်တို့နှစ်ယောက် နေ့လည်စာအတူစားဖို့ ပြောထားပြီးသားလား" ထို့ကြောင့် ရွှီဟွိုက်စုန့်သည် သူ့ကိုပါနေ့လည်စာအတူစားရန်ဖိတ်သည်ဟု ယူဆမိချေသလော။
လျိုမောက်လည်း ခေါင်းခါရန် ငြင်းဟန်ပြင်လိုက်မိသည်။ သို့သော်လည်း သူ့ကိုယ်သူပင် နားမလည်နိုင်စွာဖြင့် ခေါင်းညိတ်ပြလိုက်မိလေသည်။ " အင်း ၊ ကျွန်တော်တို့ နောက်တစ်ခေါက်မှ အတူစားလိုက်ပါ့မယ်"
ရွမ်ယွီမှာ တံခါးအပြင်ဘက်ကို ညွှန်ပြရင်းပြောလိုက်မိသည်။ " သူကဆင်းတောင် ဆင်းသွားနေပြီလေ "
လျိုမောက်က အဆင်ပြေကြောင်း ပြန်ပြောသည်။ အောက်ထပ်သို့ရောက်သောအခါ လျိုမောက်မှ ရွှီဟွိုက်စုန့်အား ရွမ်ယွီနှင့်အတူ နေ့လည်စာမစားဖြစ်တော့သည့်အကြောင်းပြောကာ ရွမ်ယွီအားပို့ပြီးပြန်ရောက်လာသည်အထိ ရုံးခန်းထဲမှာပဲ စောင့်နေရန်ပြောလိုက်သည်။
ရွှီဟွိုက်စုန့်ကလည်း ရွမ်ယွီအား တစ်ချက်ကြည့်လိုက်ကာ လျိုမောက်အား ပြန်ပြောလေသည်။ "ဒီမှာ အိပ်ဖို့နေရာရှိလား"
ထိုမေးခွန်းကြောင့် လျိုမောက်လည်း ကြောင်သွားမိပြန်သည်။ ရွှီဟွိုက်စုန့်မှာ လေယာဉ်ကြာမြင့်စွာ စီးလာရခြင်းကြောင့် အချိန်မှားယွင်းခြင်းဖြစ်နိုင်သော်လည်း တစ်ခုခုလွဲနေသေးပေသည်။ "မင်းက ဒီအချိန်ကြီးအိပ်မလို့လား"
" အင်းလေ၊ ငါ့ကိုဟိုတယ်ရှာပေး " ရွှီဟွိုက်စုန့်က ဆက်ပြောလိုက်သေးသည်။ " ငါ့ဆီမှာ ယာဉ်မောင်းလိုင်စင်မရှိဘူးနော် " လျိုမောက်အား ကားမောင်းပေးစေနေချင်ကြောင်း သိသာလှပေသည်။
"ဒါဆို ငါတို့ မစ္စစ်ရွမ်ကို အရင်ပြန်ပို့ကြမလား"
"အင်း"
ဤသို့ဖြင့် သူတို့သုံးယောက်လုံး ကားပါကင်ဆီသို့ လမ်းလျှောက်သွားလိုက်ကြသည်။ လျိုမောက်၏ Land Rover ကားမှာ တောက်ပြောင်နေလေသည်။ မကြာသေးမီကပင် အရောင်တင်ထားပုံရပေသည်။ လျိုမောက်သည် အရှေ့ဘက်ခရီးသည်ထိုင်ခုံတွင် ရွမ်ယွီထိုင်နိုင်ရန်အတွက် တံခါးဖွင့်ပေးသော်လည်း ရွမ်ယွီက တွန့်ဆုတ်နေလေသည်။
![](https://img.wattpad.com/cover/330931811-288-k686511.jpg)
YOU ARE READING
ကြမ္မာဖန်သော ပျော်ရွှင်မှု
Romance[ Myanmar Translation ~ ] Author(s) -Gu Lezhi (顾了之) Associated Names -Ni Shi Chi Lai De Huanxi -You Are My Fateful Happiness -You Are My Belated Happiness -你是迟来的欢喜 Status in COO -74 Chapters (Completed) Original Publisher -jjwxc Disclaimer - I don...