Chapter 116
(Extra 2)ချန်မန်က စစ်ကျွင်းတောက်နှင့်ဝမ်မင်ယီကြား အကြည့်များ ကူးခတ်နေသည်။
စစ်ကျွင်းတောက်က ဝမ်မင်ယီကိုတစ်ချက်ကြည့်ပြီးပြောလိုက်သည်။
"အရင်သွားကြရအောင်...""ကျွန်တော်က ကောအတွက်ဘာလဲဆိုတာ အရင်ပြော...."
သို့သော် စစ်ကျွင်းတောက်က ချန်းမန်ကိုကြည့်၍ "ခဏလေးနော်..."ဟု ပြောလိုက်ကာ ဝမ်မင်ယီကိုဘေးသို့ဆွဲသွားလိုက်လေသည်။
"မင်းကိုယ်မင်း စတားဆိုတာတောင် မှတ်မိသေးရဲ့လားကွာ...."
"ကျွန်တော်ဂရုစိုက်လို့လား...."
ဝမ်မင်ယီကမေးလိုက်သည်။"ဒါပေမဲ့ ကောပဲကျွန်တော့်ကို ညီလေးကိုပြောလိုက်တာလေ.... ဘယ်သူကများ သူ့ညီနဲ့ ဗယ်လင်တိုင်းနေ့မှာ ရုပ်ရှင်အတူကြည့်လို့လဲ... ဒါဗယ်လင်တိုင်းနေ့နော် နွေဦးလယ်ပွဲတော်မဟုတ်ဘူး..."
စစ်ကျွင်းတောက်က ရယ်လိုက်သည်။
"ဒါဆို မင်းကတကယ် ပြောပြချင်တာလား..."ဝမ်မင်ယီ၏အချစ်စိတ်တို့ ပွင့်အာလာရသည်။
"ဒါပေါ့....""အဲ့ဒါ အရမ်းမဆိုးဘူးလေ...."
ဝမ်မင်ယီက ကြောက်လန့်မနေပေ။"အခြားလူတွေက သူတို့ချစ်တဲ့လူကို ပွင့်ပွင့်လင်းလင်း ထုတ်ပြတယ်... ကျွန်တော်ကဘာလို့ဖုံးကွယ်ထားရမှာလဲ... ကောကလည်း မသမာသူမှမဟုတ်ပဲလေ... ကောကအရမ်းကောင်းတဲ့ဟာကို..."
စစ်ကျွင်းတောက်က သက်ပြင်းချလိုက်ပြီးသူ့ကိုပြောလိုက်သည်။
"မလိုပါဘူးကွာ... မင်းရဲ့အလုပ်က အခုမှတက်လမ်းပေါ်ရောက်နေတုန်းလေ... အခုလိုအချိန်မျိုးမှာ မင်းရဲအချစ်ရေးကို လူသိရှင်ကြားချပြဖို့မလိုဘူး.. အဲ့တာက မင်းရဲ့တိုးတက်မှုအတွက်မှ မကောင်းတာ...."
"ဒါပေမဲ့ ကောကို တခြားလူတွေက ကျွန်တော်နဲ့ဘာတော်လဲမေးရင် ညီလေးဆိုပြီး ပြောလို့မရဘူးလေ..."
ဝမ်မင်ယီက ထိုအကြောင်းတွေးလိုက်ပြီး ရုတ်တရက်သံသယဝင်လာသည်။
"ကျွန်တော်က အခု ကောရဲ့ကောင်လေးဖြစ်နေတာကို ဘယ်သူ့ကိုမှမပြောပြသေးဘူးမလား... ကျွန်တော့်ကိုညီလေးလို့ပဲ ပြောထားတာမလား...."
![](https://img.wattpad.com/cover/344644058-288-k226949.jpg)