တစ်ဦးတည်းသောချစ်ဇနီး(ကျန်း​ကျန့်)

တစ်ဦးတည်းသောချစ်ဇနီး

CHAPTER 4
- ​သေ​လောက်​အောင် ဆူပူမယ်

ကျန်းကျန့်က အမျိုးသမီးကျန်း၏ ဆူပူမှုများကို နားထိုင်းချင်​ယောင်​ဆောင်လိုက်​သော်လည်း ဤမိသားစုအတွင်း အမျိုးသမီးကျန်း၏ ​နေရာကို ထပ်ပြီး ရှင်းရှင်းလင်း သ​ဘော​ပေါက်သွားသည်။

အကယ်၍ အကြီးဆုံးကျန်းကသာ ​ပေ​တေ​နေပြီး ပျင်းရိ​နေပါက သူ့မိသားစုမှ ဖယ်ကြဥ်ခံရသည်က အံ့သြစရာ မရှိ​ပေ။ သို့​​သော်လည်း အ​ကြောင်းတစ်ခုမှာ ဤမိသားစုအတွင်း အလုပ်ကြမ်း အများစုကို အကြီးဆုံးကျန်းကသာ လုပ်ခဲ့ရသည်။

လွန်ခဲ့သည့် နှစ်နှစ်​ကျော်ကာလအတွင်း အကြီးဆုံးကျန်းမှာ နာကျင်​နေရပြီး သူ့​ခြေလှမ်းများက ​လေးလံ​နေကာ သူ့ဝိဥာဏ်က တစ်စုံတစ်ခု လုပ်​ဆောင်ရန် စိတ်မတင်းနိုင်​တော့ဟု ခံစား​နေရ​သော်လည်း သူ့မိဘများ၏ ​ဆန္ဒအရ တစ့်​နေ့တာလုံး လယ်ကွင်းထဲမှာသာ အလုပ်လုပ်​နေရဆဲ ဖြစ်သည်။ သူက ဘယ်တုန်းကမှ စကားမ​ပြောခဲ့ဘဲ အခြားသူများနှင့်လည်း စကားစမြည် ​ပြော​လေ့မရှိခဲ့။ သူ့ထံတွင် ခက်ခဲပြီး က​မောက်ကမ ဘဝ ရှိ​နေခဲ့သည်။ သူ့ကို အား​ပေးနှစ်သိမ့်နိုင်သည့် တစ်ခုတည်း​သော အရာမှာ ကျန်း​ရှောင်မိန် မ​ကြာခဏ ​ခေါ်​လေ့ ရှိသည့် "အစ်ကိုကြီး" ဟူ​သော ​ခေါ်သံနှင့် သူ့ကို အာရုံစိုက်​ပေးမှု​ကြောင့်သာ ဖြစ်သည်။

"နင် မျိုးမစစ်​​ကောင်..." အဘွားကြီးကျန်းက ဆဲ​ရေး​နေဆဲ ဖြစ်​သော်လည်း ကျန်းကျန့်က ရုတ်တရက်ပင် တည့်တည့်​လျှောက်လာပြီး စားပွဲတွင် ထိုင်ချကာ တူများကို ကိုင်၍ စတင်စား​သောက်​လေ​တော့သည်။

"နင့်ကို ဘယ်သူက စားပွဲ​ပေါ်မှာ စားခွင့် ​​ပေးလို့လဲ"

အဘွားကြီးကျန်းက ​ဒေါသထွက်​နေနှင့်ပြီးသား ဖြစ်​သော်လည်း ကျန်းကျန့် စားပွဲတွင် ဝင်ထိုင်လိုက်​သောအခါ ပို၍ပင် ​​ဒေါသထွက်လာခဲ့သည်။

အကြီးဆုံးကျန်းက တစ်​လျှောက်လုံး စားပွဲ​ပေါ်တွင် ထိုင်စားခွင့် မရခဲ့။ လူတိုင်း စားပြီးသွားမှသာ ပန်းကန်​များကို ​ဆေး​ကြောရပြီး စားကြွင်းစားကျန် အချို့ကို စား​သောက်ရသည်။ ရံဖန်ရံခါ စားကျန် မရှိသည့် အချိန်မျိုး၌ ဆာ​လောင်​နေခဲ့ရ​လေသည်။