Chapter 64
Imperial MeowJuly 21, 2023
Chapter 64
ယနေ့ သူ(မ) ကျောက်ကျင်းကောကိုတွေ့လိုက်ရတော့ အစပိုင်းတော့ သူ(မ) ပျော်သွားခဲ့သည်။ သို့သော် မကြာခင်မှာတင် တစ်စုံတစ်ခုတော့ မှားယွင်းနေကြောင်း ခံစားမိလိုက်သည်။ ယနေ့တွင် ကျောက်ကျင်းကောသည် ကောင်းမွန်စွာဝတ်စားထားပြီး ငယ်ရွက်တက်ကြွနေဟန် ပေါက်၏။ သူ့ခေါင်းပေါ်မှာတောင် ငွေဆံထိုးလေးတစ်ခု ရှိနေသေးသည်။
"ကျောက်ကျင်းကော.. နင် ငွေဆံထိုး ပန်ထားတယ်ဆိုတာ ငါ ယုံတောင်မယုံနိုင်ဘူး။ ငါ့အဒေါ်က နောက်ဆုံးတော့ နင့်အတွက် ယောက္ခမရှာပေးလိုက်ပြီပေါ့လေ"
လျူဖန်တိက ဆက်မေးပြန်သည်။ ထိုငွေဆံထိုးကို ကျောက်မိသားစုဝယ်တာ မဖြစ်နိုင်ပေ။ ကျောက်ကျင်းကောက လက်ထပ်တော့မှာလား။
"နင် တစ်ခုလပ်ကိုယူလိုက်တာလား။ ဒါမှမဟုတ် လူအိုကြီးတစ်ယောက်လား။ နင်က အရမ်းအသက်ကြီးနေတာတောင် သူတို့က နင့်ကို ငွေဆံထိုးပေးဖို့ ဆန္ဒရှိနေတယ်ပေါ့။ ကြည့်ရတာ ဟိုဘက်ကအခြေအနေက သိပ်ကောင်းပုံမရဘူး။ ဟုတ်တယ်မလား"
လျူဖန်တိတစ်ယောက် ခန့်မှန်းကြည့်နေသည်ဆိုသော်ငြား သူ(မ)အနေနှင့် အလွန်တရာသေချာနေခဲ့သည်။ သူ(မ)၏အတွေးမှာ ကျောက်ကျင်းကောတစ်ယောက် တုံးအအရူးကြောင်ကြောင်လူတစ်ယောက်ကို လက်ထပ်ခဲ့တာဖြစ်ရမည် ဟူ၍ပင်။ ထိုသို့မှမဟုတ်လျှင် သူတို့က ကျောက်ကျင်းကောကို ငွေဆံထိုး ဘာလို့ပေးမှာတဲ့လဲ။
ကျောက်ကျင်းကောက ဤဝမ်းကွဲနှင့် အဆက်အသွယ်သိပ်မရှိခဲ့ပေ။ တကယ်တော့ အစပိုင်းမှာ ဤဝမ်းကွဲသည် သူ့အပေါ် အငြိုးတကြီးဖြစ်နေလိမ့်မည်ဟု ထင်မထားပေ။ သို့သော် ယခုတော့ တစ်စုံတစ်ခုကမှားယွင်းနေကြောင်း ခံစားမိပြီး မတတ်သာဘဲ အံ့သြမှင်တက်နေမိသည်။
"ကျင်းကော ကိုယ် မင်းအတွက် အသားဝယ်ထားပြီးပြီ။ မင်း ဘာထပ်လိုချင်သေးလဲ။ သွားဝယ်ကြမယ်လေ"
ကျန်းကျန့်က အပြုံးတစ်ပွင့်ဖြင့် လျူဖန်တိကို ကြည့်လိုက်သည်။
"ဒီမိန်းမကြီးက ဘယ်သူလဲ။ မင်း သူ့ကိုသိလား"
"ကျွန်တော့်ရဲ့ဝမ်းကွဲပါ"
YOU ARE READING
တစ်ဦးတည်းသောချစ်ဇနီး(ကျန်းကျန့်)
General Fiction💥New BL ဒါဒါတို့ရေ... ရှေးခတ်ကျေးလက်တောရွာကို ကူးပြောင်းမှ ကြိုက်ပါတယ်ဆိုတဲ့ဒါဒါလေးတို့အတွက် အသစ်လေးလာပါပြီ .... ရှားပါးတဲ့ MC Gong ပါနော် Gp လေးက ၂ခု ရှိပါမယ်ရှင် Gp 1 (1 _140) ငွေလွှဲ ၂၅၀၀ / bills 3000 GP 2 (141 _END ) ငွေလွှဲ ၂၅၀၀ / BILLS 300...
