CHAPTER 21
- ဒီမိသားစုကနေ ခွဲထွက်ချင်တယ်
ဟယ့်ရှီရွာမှ လူများက ကျန်းကျန့်ထံမှ ခြောက်လှန့်ခံလိုက်ရသည်။
သူတို့ထဲမှ အချို့က ရဲရင့်ပြီး အညှာအတာကင်းတတ်ကြပါသော်လည်း သူတို့ထဲက မည်သူကမှ အကြီးဆုံးကျန်းကဲ့သို့ မတုန်မလှုပ် မရှိဖူးကြပေ။
တရားရုံးတော်ကို သွားမယ်... သူက အဲ့အကြောင်းကို တွေးရဲသေးတာလား...
ဟယ့်ရှီရွာသားများက ကျန်းကျန့်၏ စိတ်ရောကိုယ်ပါ ပြောင်းလဲသွားသည်ကို တွေ့လိုက်ရသည်။ သူတို့က သူ့ကို ထပ်မဆွရဲကြတော့ဘဲ သူတို့ပါ ပါဝင်ပတ်သက်လာမည်ကို ရှောင်ရှားရန် သူနှင့် ဝေးဝေးသာ နေလိုကြသည်။
"အကြီးဆုံးကျန်း... တကယ်လို့ မင်းမှာ ပြောစရာ ရှိရင်..."
ဟယ့်ရှီရွာ၏ ရွာလူကြီး ဖြစ်သည့် ကျန်းဖျင်က နူးညံ့သော အသံလေးဖြင့် ပြောလိုက်သည်။ သူတကယ်ပဲ ကျန်းကျန့်က စိတ်ဖောက်သွားပြီး အရူးတစ်ယောက် ဖြစ်သွားသည်ဟုသာ တွေးမိလိုက်သည်။ သူနဲ့ သွားမရှုပ်တာ အကောင်းဆုံးပဲ...
"ကျူပ် ခင်ဗျားတို့ကို ပြောခဲ့တာပဲ မဟုတ်ဘူးလား"
ကျန်းကျန့်က သူ့နောက်ပါးမှလူများကို ဖော်ဖော်ရွေရွေဖြင့် ပြုံးပြလိုက်သည်။
သို့သော်လည်း ဟယ့်ရှီရွာသားများကမူ သူ့အပြုံးထဲမှ ဖော်ရွေမှုကို လုံးလုံး ရှာမတွေ့ကြဘဲ အချို့လူများမှာ မသိစိတ်မှ ခိုင်းစေမှုအရ ခေါင်းကိုပင် ငုံ့ထားလိုက်ကြသည်။
ကျန်းမိသားစုဘက်မှ အဖြစ်သနစ်က အရင်တစ်ခေါက်ကထက် ပိုကြီးလာသဖြင့် ရွာထဲမှ လူများကလည်း စိတ်လှုပ်ရှားစရာများကို ကြည့်ရှုရန် ရောက်လာကြပြီး ကျန်းမိသားစုအိမ်တဝိုက်တွင် ပြည့်ကျပ်နေလေသည်။
သာမန်လူများ ထိုမြင်ကွင်းကို တွေ့ရသည့်အခါ သေချာပေါက် ကြောက်ရွံ့သွားကြမည် ဖြစ်သော်လည်း ကျန်းကျန့်ကမူ တည်ငြိမ်နေသည်။
သူက ထိုရွာသားများကို မကြောက်ပေ။ ထိုလူများမှာ တရားရုံး အရာရှိ၏ အသက်က သူတို့၏ လက်ထဲတွင် ရှိနေသည်ဟု တွေးနေကြသည်။ သို့သော်လည်း မည်သို့ပင်ဆိုစေကာမူ သူ့ထံတွင် ခေါင်မိုးပေါ် တက်ပြီး လွတ်မြောက်နိုင်သည့် စွမ်းရည် ရှိနေဆဲပါပင်။ သေချာပေါက်ပင် သူက ဝရမ်းပြေးတစ်ယောက် မဖြစ်လိုခဲ့ဘဲ ရွာထဲတွင် အမြဲတမ်း ကောင်းကောင်းမွန်မွန်သာ ရှင်သန်လိုခဲ့ပေသည်။ ထင်မှတ်ထားသည့်အတိုင်းပင် သူ့ကို ဆွဲသွင်းရန် ဆန္ဒရှိနေသည့် တစ်စုံတစ်ယောက် ပေါ်လာခဲ့လေပြီ။
YOU ARE READING
တစ်ဦးတည်းသောချစ်ဇနီး(ကျန်းကျန့်)
General Fiction💥New BL ဒါဒါတို့ရေ... ရှေးခတ်ကျေးလက်တောရွာကို ကူးပြောင်းမှ ကြိုက်ပါတယ်ဆိုတဲ့ဒါဒါလေးတို့အတွက် အသစ်လေးလာပါပြီ .... ရှားပါးတဲ့ MC Gong ပါနော် Gp လေးက ၂ခု ရှိပါမယ်ရှင် Gp 1 (1 _140) ငွေလွှဲ ၂၅၀၀ / bills 3000 GP 2 (141 _END ) ငွေလွှဲ ၂၅၀၀ / BILLS 300...
