Under the Rain

Chapter 7- El Shebangs

Raiden

Tangina, epic talaga si Tito Marcus pagdating sa kalokohan. Although hindi ko alam ang gift of tongues na sinasabi ni Joanna, alam ko namana ng gift of tongues na sinasabi ni Tito Marcus.

"Nag-iisa ka na lang pa lang walang commitment, bata."
Talagang... hindi ako tinatanan ni Tito Marcus.
"I am committed to everybody." Pilosopong sagot ko.
Nanlaki ang butas ng ilong ni mommy. "Kinuha mo pa yang pagiging playboy ng tatay mo."
"Wahhh... Bakit nadamay ako?" Tanong ni daddy. Nagtatawanan na kami. Ano ba ang issue ni mommy bakit beast mode kasi.
"Sino ba ang tatay niyan? Di ba ikaw!" Sagot ni mommy sa kanya.
"Hindi ako playboy. Tanong mo kay Marie." Nagturo pa si daddy.

Nanlaki ang mata ni Tita Marie. Kung nagkatuluyan kaya sila ni daddy, sa tingin ko mas matangkad si Ate Sakura. Although hindi naman maliit si mommy, pero saan nakuha ni Ate ang height niyang bonsai?

"Huwag mo akong idamay." Depensa agad ni Tita Marie.
"Kung hindi ka ba naman playboy, bakit may palike-like pa ang tinamaan na si Maria Ozawa sa picture mo?"
Ayun naman pala. Ang tinamaan na babae...naglike pa sa picture.
"Mommy, family picture natin ang nilike." Katwiran ni daddy.
Tawa kami ng tawa lalo na nung sumingit si Dominique.
"Siya po ba yung kasama nyo sa poster sa movie na..." Tinakpan ni Kenshin ang bibig ni Dominique.

Natatawa kaming nagtatago sa likod ng throw pillow. Dati kasing jowa ni daddy si Maria na kasama niya sa movie. Bad trip na bad trip ni mommy doon. Nagtataka nga kami bakit buhay pa yun eh.

"Tanungin natin si Joanna kung nasususlat sa bible ang pagseselos." Hirit ko.
"Meron." Sagot nito.
Tangina, di ka marunong magjoke? Kailangan literal ka lagi?
"Sige, basahan mo si Abegail ng maliwanagan." Sabi ni daddy.
"For jealousy arouses a husband's fury, and he will show no mercy when he takes revenge. Proverbs chapter 6 verse 34." At talagang nagsabi siya ng bible verse.
I'm just being sarcastic...

"Tandaan mo, I will show no mercy when I take revenge." Banta ni mommy kay daddy na ikinatawa namin.
"Mas maigi po siguro kung sumama po kayo sa Couples for Christ." Banat na naman ni Mother Theresa... Ay Joanna pala. Natawa ako. Ako ang pinakamalakas ang tawa.
"Joker ang isa na ito. Matindi pa sayo Dominique." I said.
"Hindi ako nagbibiro. Pinapatangong nga po ng Chapter Head namin kung pwede daw pong magkaroon ng CFC dito sa loob ng Country Club." Seryoso nga talaga siya.

"Sumasamba na kasi kami Joanna. Meron na kaming Community dito." Sabi ni Tito Marcus.
"Ahh, meron na po ba? Sige po sabihin ko. Ano po ang community nyo?"
Nakatingin kaming lahat kay Tito Marcus. Inaabangan ang sasbaihin niya.
"El Shebangs." Sagot ni Tito Marcus.
Tang-ina, nagtawanan kami pwera kay Joanna.
"Sa gabi kami sumasamba. Nakahubad sa templo ni Red."
"Gago... Dinamay mo na naman si Red." Nagreact agad si Tita Marie.

"Ughh... parang may mali po." Sabi ng walang malay na si Joanna.
"Nag-aalay kami ng tupa, kambing at baka... Ginagawa naming pulutan kapag kami ay mag-iinuman na."
I don't know how Tito Marcus can crack a joke without smiling. Para na kaming hihikain sa kakapigil ng tawa.
"Niloloko mo na naman ako." Sabi ni Joanna. Doon pa lang tumawa si tito Marcus.
"Bakit ba kasi ang dali mong lakohin?" Balik na tanong ni Tito.
"Madali lang po kasi akong magtiwala." Sagot nito.

"Ehhh katangahan yun." I replied.
"Nakakain ka ba ng ampalaya? Bakit ang bitter mo?" Tanong ni Rose.
"Doon tayo sa medyo realidad ha. Ikaw lang Dora ang bukod tanging naniniwala sa seryosong mukha ni Tito Marcus."
Tawa ng tawa si Tito sa kalokohan niya.
"Wala naman masama sa pagtitiwala." Katwiran niya. She's so naïve gusto ko siyang katukan para matauhan.

"Hindi naman kasi ako ang magiging masama kung lolokohin ako, di ba?"
"Grabe ka nene. Lakas mo namang mangonsensya." Sagot agad ni tito Marcus.
"Tinamaan agad." Tumatawang sagot ni Tita Lise.
"Saan ka humuhugot ng katangahan mo?" Manghang tanong ko sa kanya.
"Alam ko kasi ang pakiramdam ng hindi pinapaniwalaan. Kaya lagi akong naniniwala sa tao sa tuwing may sinasabi sa akin."
Natahimik kami. Sobrang tahimik parang si Mama Mary ang nagsalita.

"Magandang ehemplo talaga si Joanna sa'yo." Sabat bigla ni Ate. "Magsasama ka sa kanya ha."
"Shut up..." Angil ko kay Ate.

Nagmumukha akong demonyo kapag nagsalita ang babae na ito. Pakiramdam ko ang samsa-sama kong tao.