AMORE'S HIDDEN IDENTITY

Chapter 29: Last Strange practice

IKATLO AT HULING session na ngayon ng pagsasanay nina Dindo. Magkasama muli sina Dindo at Astra. Magaling na ang babae dahil hindi naman malalim ang sugat niyang natamo kaya madaling naghilom ang daplis nito sa balikat.

Nasa gym na silang dalawa.

"What should we do first Astra?" tanong ni Dindo sa babae.

"Of course, we are going to perform warm-up exercises. It's the first most essential part in doing such physical activities, hindi ba? Sige na, humanda ka na," seryoso nitong sagot sa kanya.

Napangiwi naman si Dindo ng marinig ang sinabi ni Astra. Matalino nga siyang tao pero ngayon ay parang wala siya sa katinuan. Obvious naman na warm-up ang una nilang gagawin. Ito iyong pinaka-basic pero napaka-useful na part ng pag-iinsayo.

"First thing, we are going to do a jog. Magja-jogging tayo paikot doon sa may oval ng dalampung beses pagkatapos niyan ay mga curl-ups at boxing naman. Saka natin sisimulang sanayin ang mga basics and fundamentals of martial arts. Okay ka na ba?" seryoso nitong sabi.

Napalunok naman si Dindo ng marinig ulit ang sinabi ni Astra. Kinakabahan na naman siya.

Kahit mahirap ay kakayanin niya ito. Mas mabuti na 'to kaysa wala naman siyang gagawin sa hideout. Pampalipas oras lang naman ito kumbaga.

"Ready?" tanong nito habang kinikilatis ang kabuuan niyang awra.

"Kaya ko 'to, kaya ko!" usal niya sabay buga ng hangin.

Napangisi naman si Astra ng marinig na bumubulong-bulong siya.

"Talagang kakayanin mo 'to dahil kapag hindi tatawanan lang naman kita. Alam mo kapag hindi mo ito mapagtatagumpayan na pagsasanay ay ngangahulugan lang na bakla ka," pagbibiro ni Astra sa lalaki habang natatawa.

"Lalaki ako. May girlfriend din ako. Ipapakita ko sa'yo na kaya ko 'to!" nagmamalaking wika nito saka nauna nang lumabas at nagtungo sa field.

Malawak ang field na kinaroroonan ng oval. Kakayanin kaya niya na mag-ikot ng dalampung beses dito? Tingnan na lang natin, lalaki naman siya kaya gagawin niya ang lahat ng makakaya niya para hindi mapahiya.

Nandodoon na silang dalawa starting line.

"Tatakbo na ba tayo?" Kaagad niyang tanong sa babae.

"Huwag muna, huwag atat. Iuunat muna natin ang ating mga binti at paa. Magwawarm-up tayo ng pinaka-light lang muna. Saka sunod iyong jogging medyo mabilis na ito eh, papalakasin nito ang endurance mo. Kapag maganda ang endurance mo ay maiiwasan mong mabilis mawalan ng hangin sa katawan. At dapat kapag tumatakbo ka, lumalanghap-buga ka ng hangin. Okay ba iyon?"

"Sige," Nag posisyon na siya para magwarm-up. Sinusunod lang niya ang mga ginagawa ni Astra.

"Okay, done! Sige na. Ready!" Sabi ni Astra na nagposisyon na sa starting line. "Pagsinabi kong go, takbo ka na rin ha. Katamtamang bilis lang. Para hindi ka kaagad mahihingal, okay ba?"

"Okay!"

Suminyas na si Astra. "GO!" sigaw nito kaya nagsimula na silang mag-jogging.

Magkasabay naman silang dalawa na mag-jogging noong una pero kalaunan ng mga panlabing-limang ikot na ay naiwan na si Dindo. Mahina pa ang kanyang cardiovascular endurance kaya kulang siya sa hangin.

Nauna nang matapos ni Astra ang pang dalampung ikot niya habang ang kay Dindo ay panlabing-walo pa lang.

Para sabay silang pumasok ay sinamahan na lang ulit ni Astra si Dindo na mag-jogging hanggang matapos nito ang dalampung ikot.

Masyado itong hiningal. Napapatalon-talon siya para makalanghap ng hangin.

"Inhale ... Exhale... lang Dindo. Huwag kang tumigil sa paghinga at pagbuga ng hangin baka mahilo ka," suhestiyon nito sa lalaki.