AMORE'S HIDDEN IDENTITY

Chapter 40: Worst

MALALIM na ang gabi pero hindi pa rin dinadapuan ng antok si Amore. Naaalala pa rin kasi niya na minsan na siyang natusuhan ni Regor.

Hindi talaga niya inaasahan na gusto siya nitong halikan. 

Gustong-gusto pa naman niyang si Liam ang humalik sa kaniya. Lalo siyang nabahala na baka sa susunod hindi lang halik ang hihilingin nito kundi ang pinaka iingatan na niya.

Bumangon siya mula sa pagkahiga at nagpalit ng damit. She better go in the hideout. Doon puwede siyang mag pawala ng stress. 

Doon marami siyang pwedeng paglilibingan kung bored siya.

"Argh! Nakakainis," wika niya saka dali-daling lumabas ng apartment niya.

Sumakay siya sa kaniyang kotse at pinatakbo iyon ng mabilis.

Agad naman siyang nakarating doon. Bumusina siya agad at pinagbuksan naman siya ng mga bantay.

"Magandang gabi sa'yo Sapphire," bati ng mga kasamahan niya saka yumuko bilang tanda ng paggalang.

"Magandang gabi rin sa inyo, nasaan ba sina Astra at Jasmine?" agad niyang tanong.

"Si Astra nasa loob ng kuwarto niya pero gising pa naman samantalang si Jasmine ay kanina pa natutulog," sagot nito sa kanya.

"Sige, salamat. Mauna na ako," sabi niya saka tumalikod agad.

"Anyari sa kaniya? Bakit parang bad mood?" puna ng isang bantay.

Agad siyang kumatok sa pintuan ni Astra para tingnan kung hindi pa natutulog ang babae.

Bumukas naman ang pinto kaya gising pa ito.

"Oh, ikaw pala Sapphire. Magandang gabi. Bakit ka naparito nang dis-oras ng gabi, may nangyari bang hindi maganda?"

"Medyo,hindi nga maganda. Puwede ba tayong mag sparing? Gusto ko lang magpawala ng inis sa katawan," aniya.

"Okay, game ako. Hindi rin naman kasi ako makatulog eh. Timing talaga ang dating mo."

Pumunta sila sa may gym.Nagsparing nga silang dalawa hanggang sa parehong napagod at bumagsak sa sahig.

"Hoy, bakit sobrang galit ka yata? Napagod tuloy ako sayo," wika ni Astra.

"Kasi naiinis at nagagalit ako kay Regor. Hamakin mo na hiningan muna ako ng kiss bago ako isinama sa loob ng Alpha Mouhiere Empire. Sino ba ang matutuwa nun? Kaaway mo tapos nahalikan ka?"Inis na sabi ni Amore.

"Hmm," tinawanan siya ng babae." Ang tuso talaga niya ha. So, dahil doon nakapasok ka talaga?"

"Oo. Pero 'di niya alam na kamay ko lang ang nahalikan niya. Mas tuso ako sa kaniya. "

"Grabi ka, at talagang pumayag ka para lang doon? Ang lakas talaga ng fighting spirit mo. Believe ako sayo."

"Kung hindi lang dahil sa gusto ko siyang pabagsakin hindi ako papayag. Boyfriend ko nga never pa akong nahalikan. Argh. I hate him," galit niyang sabi. 

"Ha? May boyfriend ka na? Kailan lang? Parang wala ka namang di-in-idate ah?" kuryusong tanong ni Astra sa kanya.

Napatakip naman siya ng bibig. 

"Ah, ang ibig kong sabihin kong… Hindi na iyong magiging boyfriend ko ang first kiss ko kundi ang demonyo na iyon kung nagkataon talaga," ingos ni Amore na parang bata.

Malakas ang tawa ni Astra na pinakawalan. "Kalimutan mo na iyon. Di naman natuloy e. Malay mo malapit na pala ang oras niya kaya mabuti na lang at may naiwan siyang ala-ala sayo."

"Tse, Astra naman oh. Huwag mo na akong tuksuhin. Mabuti pa bumalik na lang sa hideout. Inaantok na ako," pag-iiba niya. 

"Okay, sige,"sagot niya saka maglakad na.