الحلقة ٥٣ من #مذاق_الحرمان
للكاتبة #لبنى_الموسويگمت علي وبقينه نتلاوه
خمس دقايق مرت ومنين ما اجي يلوفها اخير شي دفعته حيلمدري شلون وشنو صار
ما شفت نفسي إلا وجسمي على كل جسمه
گبل باوعلي فاتح عيونه بتعجبتوترت حيل
گمت من فوگا انفض بهدومي ليش ما ادري
هو هم عدل گعدته وطلع من الغرفه ع السريعشسويتي عسل
عزه بعينچ ان شاء الله على هالعمله المصخمه
يربي شلون راح اباوع بوجها بعد والله عيب هسه عباله متقصده اسوي هيچلا شنو متقصده
اصلاً چنه نتعارك وما حسيت شلون صرت فوگا
اخذت جهازي ورجعت خابرت خيال هم ما ردت اخير شي كتبتلها خابريني ضروري بس تشوفين المكالماتطفيت الضوه وتمددت
حتى ما اگدر اباوع بوجها اذا هسه دخل للغرفه
بقيت مغمضه بس بالي يمه وين راح وليش تأخر معقوله ضاج من التصرف مالتي لأن ميريدني اتقرب منه لهل درجهشويه وسمعت صوت الباب انفتح
بقيت على وضعي ما تحركت لحد ما حسيته تمدد بصفي وراها صاح عسل نايمهما جاوبته
اخاف ارد ويصدمني بكلام جارح
اعرف بنفسي غلطت هو تقبلني بحياته على اساس يطلعنه من الوضع الصرنه بي بسبب مشكلتي ويا عمار بس مو معناها اتجاوز حدودي ويا ويسكتسحبت الغطا على وجهي وحاولت انام
ما گدرت بقيت اتگلب لحد ما سمعت انفاسه ارتفعت عرفته نامگمت للحمام غسلت وبقيت گاعده هناك
الساعه صارت بالوحده وخيال ماكو شنو السالفه شصاير وياها وليش ما ردت عليهفتحت الشبكه ودخلت ع الواتس اب
باوعت اخر ظهور الها بـ ١٢ الضهر دزيتها هلو حتى اشوف عدها نت لو لا بس ما وصلت ظل صح واحدگمت رجعت للغرفه
تمددت وبقت عيوني على حسام
تذكرت السواد الـ بصدره شلون يربي رغم عملتي السوده بس فضولي راح يموتني اذا ما اعرف شنو هذا وليش ميخليني اشوفشغلت ضوه الموبايل ولزمته بـ ايدي حتى ليحس
تقربت منه حسام حسام گاعد لو لا
ما جاوبرفعت الضوه وسحبت تشيرته بهدوء
تحرك
وخرت من يمه بسرعهباوعت بعده نايم
رجعت تقربت منه وايدي على گلبي ليفز ويشوفني بس مو بيدي ما اگدر انام اذا ما اعرف شكو هنا اليومسحبت التشيريت وباوعت
شنو هاي وشم ؟!! اي والله وشم هذا
حاولت اعرف شنو مرسوم بس صعب ميبين لأن نايم والملابس لاطشه على جسمه بس اسحبها اكثر يحسواضح هذا رسم
ورد او طير هيچ شي لأن الوشم متشعب وبي فروع مثل الاوراق او جناح الطيور
زين ليش ما قبل يراويني ومن سألته گال شعر ؟!!
YOU ARE READING
مذاق الحرمان بقلم لبنى الموسوي الناقل آدم العربي
Romanceقصة حقيقية للكاتبة لبنى الموسوي