مذاق الحرمان بقلم لبنى الموسوي الناقل آدم العربي

الحلقة ٦٧

الحلقة ٦٧ من #مذاق_الحرمان
للكاتبة #لبنى_الموسوي

الأمر اشبه بـ " أخرس " سقط على جرحه ملح
فـ التهبت روحه واشتهى الصراخ
لكنـه لـم ولـن يستـطيع 💔

عسل.. دخلت الغرفتي وانهاريت بالبچي
تعبت خلص ما عندي طاقه بعد حتى اتحمل هالشي واحس بنفسي بديت انهار شويه شويه

اكو شي بداخلي ديفور
ما اعرف معدتي
لو ألم الكليه
لو ابني الديلوحه نصيب من وجع امه

فجأه حسيت شي نزل عليه
طلعت للحمام ع السريع واول ما طبيت انصدمت بنفسي دا انزف هواي بحيث الدم تارس كل رجلي

بس شفت حالتي بچيت
ماكو وجع نهائياً لعد هذا الدم شنووو
نزعت سترة التراك شمرتها ونزعت الكيمونه

غسلت نص جسمي وحطيت الكيمونه حتى لا اتدمر وراها لبست الستره وطلعت ع السريع
صارت مرت عمي گبالي دتطلع من غرفة شهد باوعتلها ودموعي تجري

وئام.. شبيچ ؟!!

شهد.. ما بيها خاله
بس اكيد ضايجه لأن رجلها راح يتزوج عليها

عفتهم يحچون وطبيت الغرفتي
ادور على موبايلي مثل المخبله صح مچنت رايده الطفل بالبدايه بس بهل شهرين تعلقت بي كلش واموت اذا خسرته

گمت اصيح ويا روحي
الموبايل وين رااااح وووووين
هو چان مشمور ع الميز بس من القهر ما اشوف شي گدامي بعد
ركضت شلته وايدي ترجف

تحمل ماما
اترجاك تحمل شويه
ع الاقل الخاطر امك الما لحگت تفرح بيك

طلعت رقم حسام دگيت علي
رن مرتين بالثالثه جاوبني بس سمعت صوته بچيت بشهگه

حسام.. هاي شبيچ عسل

عسل.. حسام تعال
الله يخليك عوف كل شي من ايدك والحگ عليه ترى دا انزف

حسام.. تنزفين شنو فهميننني

عسل.. استعجل فدوه اااااااستعجل

حچيتها وسديت الخط
النزف بعده مستمر دا احس بي
تذكرت مرت طاهر من نزفت بطفلها الاخير گالولها نامي على ظهرچ وخلي المخاد جواچ

رحت تمددت ورفعت رجلي
مغمضه وادعي
يا ربي لتحرمني منه بعد ما تعلقت بي وصار قطعه من روحي

اي كلش تعلقت بي
بحيث يوميه قبل لا انام احچي ويا ولمن ما اشتهي اجبر نفسي اكل علموده

حسيته جزء من حياتي
گمت اتخيل شلون يجي للدنيا واضمه الصدري
ويكبر گدام عيني حتى يعوضني عن الايام الصعبه العشتها قبل وجوده بحياتي

واني على هالحاله
ما احس إلا بديت انزف بشكل قوي
ردت اگوم خفت
معقوله طرحته لأن اكو شي نزل مني

بچيت حيل
لاااا ياربي لاااااااا
ماما قاوم فدوه قاوم بين ميجي ابوك وياخذنه للمستشفى