الحلقة ٤٢ #مذاق_الحرمان
للكاتبة #لبنى_الموسويحسام.. مر اسبوع ثاني بدا اسر يتجاوب ويا الاجهزه
چنت يمه بالغرفه فجأه فتح عيونه وباوعليبالعاده من يفتحها يرجع يغمض بسرعه بس هالمره بقى فاتحها اكثر من دقيقتين
تقربت منه مچنت اريد اتعبه بس لازم احاچي عسى ولعل يجاوبنيحسام.. اسر انت زين تگدر تحچي
اسر.. هز راسه بـ أي
حسام.. احچي خلي اسمع صوتك
حاول تحچي الخاطري خويه حتى تريح گلب امك ع الاقلاسر.. زين
حچاها ورجع غمض عيونه شويه وفتحها مصدوم بوجهيحسام.. شكو بيك شي !!!
اسر.. رجلي شبيها حسام مدا اگدر احركها ابد ولا حتى احس بيها
حسام.. شنو يعني متحركها ؟!!
وخرت الغطه عنه ولزمتها حيل ها دتحس عليها هاي اني ضاغطها بايدياسر.. لا حسام لااا
مگاعد احس بكل شي حتى ايدك ما احس بيهاحسام.. لتخاف حبيبي
يجوز خدرانه لأن صارلك فتره نايم
هسه اروح اصيحلك الدكتور ويطمنه ان شاء اللهطب عمي بهلاثناء شاف اسر گاعد لو هو تخبل
شمر نفسه علي يبوس ويحضن بي ودموعه بعينه بس اسر چان رايح لغير عالم يمكن خايف من الشي الصار ويا وحقه محد يلومه اذا اني خفت اكثر منهعفتهم ورحت للدكتور
اجه طلب منه اخلاء الغرفه وبقى يمه يفحصه
تأخر كلش قريب الساعه يلا طلع وكل هالفتره واگف على اعصابي حتى ما گدرت اگول العمي بالصار على امل يعدي الموضوع على خيرليث.. ها دكتور بشر
ان شاء الله عدى الخطر وگام بالسلامهالدكتور.. هو گعد بس للأسف مراح يوگف على حيله
ليث.. شنو يعني !!
الدكتور.. يعني للأسف المريض ونتيجة للضربات التعرض الها بمنطقة الظهر انصاب بالشلل النصفي يعني من منطقة الخصر للاقدام
ما اگدر اوصف شعوري من سمعت هالكلام
من گلي اسر ما احس برجلي خفت كلش وتوقعته انشل بس مع ذالك چنت اچذب نفسي
چنت اگول خليني متفائل وراح يرجع اخويه يمشي على طوله ويفرح گلبنه بس للأسف مصار هالشيتخربطت اوضاع عمي بعد ما سمع الخبر
بقيت يمه انطيته العلاج لحد ما تحسن وكل هالفتره هو ساكت ما حچه ولا حرف اخير شي گام وعافنيخفت علي كلش ورحت ورى
باوعتله من بعيد راح الغرفة الدكتور استأذنت من السكرتير ودخلت عليهم لگيت عمي واگف گباله ويحچي ويا بنبرة اشبه بنبرة التوسلليث.. دكتور گلي اي شي
اي شي مستعد اسوي بس يرجع ابني يوگف على حيله
احچيلي اكو اله علاج اذا سفرته للخارج
اكو امل يرجع يمشي على رجله طمني الله يطمنك دنيا واخره