مذاق الحرمان بقلم لبنى الموسوي الناقل آدم العربي

الحلقة ٣٤

الحلقة ٣٤ من #مذاق_الحرمان
للكاتبة #لبنى_الموسوي

خيال.. مر اكثر من اسبوع واني ما اعرف عن اسر اي شي
يوم عن يوم اعلن استسلامي من هذا الحب اكثر واتيقن اسر طلعني من حياته وبدا يعيش النفسه اكثر واكثر

گاعده يم عسل اباوع عليها بيأس شنو يعني عسوله خلص استسلمتي مثل اختچ ومناويه تگومين من هذا الفراش بعد

واني على هالحاله سمعت الباب انفتح حيل
رفعت راسي دا اشوف منو چان اتفاجأ بطاهر طب للغرفه

باوعت العسل طفرت من مكانها بخوف بس شافته گدامها وچانت هاي اول مره تتحرك من وحدها
گبل حضنتها وعيوني على طاهر

خيال.. ليش اجيت طاهر ما كفاك السويته بيها

ما جاوبني وتقرب علينه
ما اشوف إلا عسل طفرت من السرير وركضت بالزاويه تبچي
هستوني دا اروحلها سبقني طاهر

رفع ايده ديلزمها
چان تحط ايدها على راسها وتبچي حيل
گمت ع السريع اسحل برجلي لما وصلت يمهم واخذتها منه

خيال.. عوفها مدتشوف شلون خايفه منك

طاهر.. لتخافين عسل ما اسويلچ شي بس اريد احچي وياچ

دفع ايدي واخذها للسرير گعدها وگعد بصفها لازمها من شعرها بهدوء
جريت الكرسي وگعدت گبالهم وعيوني على عسل الصارت تنطي الوان من الخوف وتباوع عليه بتوسل حتى اخلصها منه

طاهر.. شلون صرتي ؟؟
شالت عيونها علي وجاوبته بدموعها چان ويگول ادري مو زينه بسببي بس مچان قصدي اوصلچ الـ هالمرحله اسف حبيبتي

خيال.. فتحت عيوني ممصدگه كلامه
بقيت اباوع عليهم بحيره شويه الطاهر شويه العسل المتفاجأه مثلي لحد ما انصدمت بيها من حضنته حيل وگامت تبچي گبل بادلها الحضن هو

طاهر.. اسف والله اسف رغم كل شي سويتي بينه بس ما اتحمل اشوفچ بهالوضعيه
گومي خويه ارجعي اوگفي على حيلچ الخاطر امچ ع الاقل اذا مالنه خاطر عندچ

خيال.. مسحت دموعي وتقربت منهم
هاي شفتي عسوله طاهر اجه بنفسه حتى يعتذر منچ يلا عاد كافي نومه گومي على حيلچ وفرحينه

طاهر.. يلا حبيبتي انطيني ايدچ حتى اخذچ تغسلين ومدلها ايده
چان تلزم ايده ويطلع صوتها واخيراً

عسل.. سامحني طاهر سامحني

طاهر.. حضنها وگام يبچي انتي السامحيني خويه ادري بنفسي قسيت عليچ بس والله مو بيدي

خيال.. نسيت كل وجع رجلي وركضت احضنهم
اخيراً حچيتي عسل والله العظيم ممصدگه رجعت اسمع صوتچ من جديد

باوعت الطاهر ودموعي بعيني
شكراً طاهر صارلنه اشهر ما خلينه شي ما سوينا حتى تصير زينه بس بدون نتيجه لحد ما اجيتلها انت يلا گدرت تتحرك وتحچي وترجع الطبيعتها