مذاق الحرمان بقلم لبنى الموسوي الناقل آدم العربي

الحلقة ٢

اعتذر مقدما على عدم تنزيل بارت البارحة انشغلت ومصار مجال انزل والكهرباء انقطعت بالليل
الناقل آدم العربي

الحلقه الثانية من #مذاق_الحرمان
  للكاتبه #لبنى_الموسوي

طلعت ويا من القاعه دنحچي ع المحاضرات والمواد ودا افهمه بطبيعة اساتذتنه واسلوب اسئلتهم ومندمجه بكلامي فجأه صار اسر گدامي

باوعت علي يخزر بيه وعيونه ناطه ليبره ،، خفت كلش من منظره ادري بي من يتعصب يچفص بلا ميحس على روحه
ما شفته إلا اجه بحركه سريع باتجاه منتظر

بگلبي گلت ها هي راح بيها الولد وانفضحتي بنص الكليه خيال
وصل يمه لزمه من ياخته حيل يخض بي

اسر.. شعندك ويا بت عمي ولك

منتظر.. اخي شبيك شنو السالفه

خيال.. اسر الله يخليك اتركه ميصير هيچ

اسر.. باوعلي بخزره : لعد يصير تتمشين ويا بنص الكليه عينك عينك وگدام الكل

منتظر.. شصار يعني ترى احنه زملاء واني جاي نقل بالجديد فطلبت منها المحاضرات الفايتتني

اسر.. اطلب من غيرها يشاطر وطبطب على خده بحركات خفيفه
اسمعني زين اذا عفتك هسه فالخاطر بت عمي حتى ليصير قال وقيل وتصير علچ بحلوگ الطلاب بس صدگني اذا مره ثانيه شفتك خطفت من يمها متلوم إلا نفسك

باوعلي منتظر مستغرب من خبال اسر شگد خجلت منه بوقتها لان تصرفه يدل ع الهمجيه حاله من حال باقي الناس المتخلفين
جر وجها بأيده وعاط بي

اسر.. هييي وين دتباوع ،، عيونك لا افگسهن

خيال.. باوعت للطلاب متجمعين قريب منه : كافي اسر كافي انفضحنا 

اسر.. دفعه حيل : يلا ولي منا وبعد لتتقرب من خيال حتى تحافظ على شبابك الحلو

راح منتظر واني ظليت صافنه على اسر الينفض قميصه ببرود ويصوفر
رفع راسه شافني اباوعله رفع تك حاجب

اسر.. خير صاير شي ؟! ليش تباوعيلي هيچ

خيال.. صدگ تحچي !! يعني كل الصار عندك لا شيء ومستغرب من نظراتي الك

اسر.. ما صار إلا الخير بت عمي

خيال.. انت شنو اسر ؟!! منين الله خالقك بس فهمني

اسر.. من العسل على گولة اختچ

خيال.. كافي شقه دا احچي جد
طگت روحي منك ومن تحكمك بيه ،، بأي حق تلاحقني وتحاسبني على تصرفاتي حاچيني ؟! شنو سلطتك عليه التخليك تتجرأ وتسوي كل هذا ويايه

اسر.. ابن عمچ غير

خيال.. ابن عمي على عيني وراسي بس عندي اخوان وهم احق بمحاسبتي ساعة الاكون وحيده لا اب ولا اخ عود تگدر تتدخل بيه بالشكل اليعجبك