مذاق الحرمان بقلم لبنى الموسوي الناقل آدم العربي

مشاهد

#مذاق_الحرمان للكاتبه #لبنى_الموسوي

كانت الحياة اشبه بالبحر ... بين مد وجزر تراكمت احلامي

جلست على شاطئه وبيدي ريشة النعام التي تدعى بريشة الاغنياء

خطت ريشتي اول حلم لي ثم .. الثاني .. والثالث .. والرابع ..واذا بي سمعت صوت يناديني قائلاً :

-كم حلماً دونتِ الى الآن ؟؟

-دونتك فـ انتَ اكبر احلامي

-والحرمان ؟!!

-الحرمان الحقيقي هو حرماني من حبكَ

مد لي يده مبتسماً : تعالي يا فراشتي نطير معاً الى عالم الفقر لـ نتذوق مرارته سوياً

مضيت معهُ بأرادتي ولكن .....

___&______&______&____

مشهد ١

ليث.. صلافتچ زادت عن حدها عسل لهنا وكافي بعد

عسل.. بابا الله يخليك بس افهمني

ليث.. اش ولا كلمه حقيره ،، اخر زمان البنيه توگف بوجه ابوها وتگوله احب ولكم وين عايشين احنه احد يجاوبنيييي ؟!!

عسل.. بابا والله ما چنت رايده هالشي ولا عندي نيه اوگف بوجهك كل حياتي بس انت جبرتني

ليث.. جبرتچ موووو .. بسيطه عسل من عيوني انتظري وشوفيني شراح اسوي بيچ اذا ما اعيد تربيتچ من جده وجديد ما اتسمى ابو سجاد

زينب.. صلي على محمد ابو سجاد مو هيچ الحجي يصير

ليث.. دتسمعين بنتچ شدتحچي لو لا ؟!! شلون ترديني احاچيها وهي حابتلي واحد صعلوك ما اعرف اصله من فصله منين وجايه بكل صلافه تخلي عينها بعيني وتصيح احبه ولچ دتصيح احببببه

زينب.. تعقل والله تعقل بس هدي روحك ليصيرلك شي

ليث.. اسمعي لچ مدرسه بعد ماكو واحسبي حسابچ نهاية الاسبوع اعقدلچ على ابن عمچ حسام وانتهى النقاش

عسل.. بابا شدتحچي حسام شنو والله ما اتزوجه لو تذبحني

ليث.. بسيطه بنيتي بسيطه ... نشوف كلامن يمشي كلامي لو كلامچ ست عسل

جرت دموعي بسرعه ،، رحت اركض لغرفتي طبيت وطلعت حرگتي بالباب من رگعتها حيل

شلت التلفون وايدي ترجف .. خابرته واول ما فتح الخط گمت اشهگ بچي

عمار.. شبيچ حبيبي ليش دتبچين احچي ولچ گلبي راح

عسل.. بالگوه جريت نفس حتى اگدر اجاوبه .. عمار بابا يريد يزوجني من ابن عمي

عمار.. شدتحچين انتي والله احرگ الدنيا وما اخلي احد يطخچ غيري

عسل.. شلون حاچيني انت تعرف بـ بابا مو قليل وعنده استعداد يگلب حياتك جحيم حتى يمنعك عني