مذاق الحرمان بقلم لبنى الموسوي الناقل آدم العربي

الحلقة ١٥

الحلقة ١٥ من #مذاق_الحرمان
للكاتبة #لبنى_الموسوي

عسل.. باوعت الرقم خيال واحس گلبي طلع من بين ضلوعي فرحه على خوف على اشتياق
انطيت اتصال وانتظرت ردها رن مرتين بالثالثه انصدمت من اجاني صوت طاهر گبل سديته بوجها

عمار.. ها شنو ما ردت

عسل.. جاوبني طاهر

عمار.. وليش سديتي بوجهي هسه عباله عدها شي ويتخبل عليها

عسل.. شسوي خفت ما عرفت شلون اتصرف
بهلأثناء رجع طاهر يتصل اخذه عمار من ايدي بسرعه : هاي شدتسوي لتجاوبه عفيه

عمار.. خليني احل الموضوع شويه اسكتي
فتح الخط وما اعرف شلون غير صوته : الوو
ها محمد شنو السالفه ليش تسده بوجهي و وين صرت مو متفقين نطلع بلليل
العفو ليش انت مو محمد
ها اعتذر صديقي غير خطه واليوم اخذته منه الظاهر مشتبه بواحد من الارقام 
اسف ع الازعاج مره ثانيه .... مع السلامه

عسل.. عزه دمي جمد والله العظيم

عمار.. لتخافين عمري ما شك بشي

عسل.. طبعاً ميشك اذا انت لفتها خوش لوفه

عمار.. هههه اعجبچ

عسل.. هسه شلون ؟؟ اريد احچي وياها واخاف اتصل ويرجع يجاوبني هو

عمار.. انتظري شويه بـ ١٢ اتصلي ع الاقل تضمنين محد يمها

عسل.. اي صح
بس ليش هو جاوب معقوله لأن رقم غريب

عمار.. اكيد ماكو غير تفسير

عسل.. يربي شيجيب الـ ١٢ والله ما اتحمل

عمار.. تعالي الحضني ومتحسين بالوقت شلون يمشي بعد

عسل.. هههههه صاير لوتي

عمار.. لا والله مو لوتي بس تعبان ومحتاجچ

عسل.. شبيك شو احسك مو طبيعي من رجعت لحد الأن

عمار.. هذا الرجال القابلته اليوم

عسل.. اي شبي

عمار.. ما ارتاحيتله كلش

عسل.. شلون يعني ما ارتاحيتله 

عمار.. ما اعرف حسيت شغله مو نظيف يعني گلبي لعب من اول ما شفته

عسل.. ليش هو مو يشتغل بالعقارات

عمار.. اي وهي هاي المصيبه

عسل.. دفهمني شبيك تقطر بالحچي

عمار.. عوفي السالفه مالي خلگ اشرحلچ

عسل.. صدگ تحچي !!
عمار لازم اعرف من شنو خايف حتى اذا خوفك بمحله امنعك تشتغل ويا

عمار.. اصلاً هو مراح يتصل لأن عرف من طريقة كلامي اني ممرتاحله وهو هم ما ارتاحلي يعني صار شعور متبادل وتنافر من الطرفين