مذاق الحرمان بقلم لبنى الموسوي الناقل آدم العربي

الحلقة ٢٨

الحلقة ٢٨ من #مذاق_الحرمان
للكاتبة #لبنى_الموسوي

فداء.. ها بشروا

حسام.. تم الحمد لله

فداء.. اي الف الحمد لله والشكر
عسوله صيري قويه ميستاهل هالحزن الدا اشوفه بعيونچ

عسل.. خلي نطلع منا اختنگت كلش من الهوسه

فداء.. صار تتدللين

حسام.. باوعت العمار طلع من غرفة القاضي وعينه على عسل
صرت گبالها حتى احجبها عنه يلا امشوا ما عدنه شي هنا بعد
چان يدگ جهازي بهلاثناء رقم غريب الو تفضلو

- استاذ حسام

حسام.. نعم منو ويايه ؟؟

-اتصل بيك من المستشفى ويؤسفني جداً لأن راح ابلغك هالخبر
اخوك اسر تعرض لأعتداء بالسجن و وضعه حرج حالياً

حسام.. شدتحچي اااانت !!

-هذا الصار للأسف ويا ريت تستعجل بالجيه محتاجيك بمستشفى ×××××

فداء.. شكو حسام شصار

حسام.. ولك اتصلوا بيه من المستشفى يگولون معتدين على اسر بالسجن

فداء.. لا يربي صدگ يحچون

حسام.. ما ادري فداء ما ادرررري
رايح اني رجع عسل للبيت وتعال ورايه بس دير بالك تبلغ عمي ليتخربط علينه

فداء.. داستعجل يمعود شويه واجي وراك

عسل.. من صدمتي بخبر اسر نسيت كل شي حتى سالفة طلاگي
وصلني فداء من الباب وراح دخلت جوه لگيت الكل مجتمعين حتى امي وخيال

زينب.. ها يمه شصار وياكم

عسل.. خلصت ماما الحمد لله

الحجيه.. الله يعوضچ خير بيبي لتضوجين ميستاهلچ

عسل.. لا مضاجيه بس تعبانه شويه اروح للغرفه ارتاح

زينب.. على راحتچ بنيتي احنه باقين هنا للعصر

عسل.. دخلت للغرفه غيرت ملابسي وگعدت ع السرير گبل دموعي نزلت
شويه وگمت اشهگ حيل منا اني ضايجه بسبب طلاگي ومنا خبر اسر فـ التمت عليه واختنگت بالزايد

بقيت بالعشر دقايق ابچي لحد ما حسيت نفسي انتهيت كلش
شويه وانفتحت الباب وطبن فيض وخيال للغرفه

خيال.. هاي شبيچ نحول صدگ تحچي

فيض.. وچ ليش تبچين علي اني منچ اشمر كيشوانية العتبه كلها ورى

خيال.. اي والله المفروض تفرح خلصت من هذا العار اصلاً اني من تطلگت من منتظر شديت الچفيه وگمت ارگص

فيض.. انتي ذكيه وما حبيتي هذا العار بس هاي الثوله تحبه لذالك گطعت نفسها من البچي علمود چهرته الزفره