مذاق الحرمان بقلم لبنى الموسوي الناقل آدم العربي

الحلقة ٦٨

الحلقة ٦٨ من #مذاق_الحرمان
للكاتبة #لبنى_الموسوي

عسل.. ليش تبچين
وعلى شنو تبچين اليوم عرسه ترى ما ماااااااات

فيض.. كافي عسل تعالي ارتاحي لتوگعين

عسل.. لتخافون عليه
اني قويه ما اوگع وراح ابقى قويه على عنادكم

دارت للميز دتاخذ المشط
منشوفها إلا تكومت من طولها بالگاع
گبل صرخت من كل گلبي
طب اسر يركض رفعها الحضنه يضرب على وجها حيل

اسر.. عسسسل
عسل اگعدي يمعوده فتحي عينچ

شالها للچربايه وصاح
عطر بسررررعه
ركضت للميز جبتله عطر حسام وانطتهيا

خيال.. هاك هذا قوي

اسر.. جيبي جيبي
رش هواي على ايده وحطها يم خشمها
شويه وفتحت عيونها بس عبالك ميته حتى مرمشت

الحجيه.. يا يمه البنيه راح تروح من ايدنه

خيال.. اخذت موبايلي وطلعت
توني دا اخابر بابا اتصل هو ،،جاوبته ع السريع
الووو

ليث.. شبيچ خيال

خيال.. بابا عسل ما ادري شصارلها

ليث.. شبيها اااحچي

خيال.. ما ادري والله ما ادري

ليث.. نزلي بسرعه فتحيلي اني واگف بالباب

خيال.. اي همزين اجيت

نزلت اركض
فتحتله الباب گبل طب بدون ميسلم وبوجها صعد الغرفة عسل

ليث.. هاي شصااااير بيها
ااااااااني مو يوميه اخابركم وتگلولي زيننننه

الحجيه.. يمه هدي روحك
البنيه چانت حامل وطرحت يعني طبيعي تتعب هيچ

باوعت الـ بابا غريب
ردة فعله على خبر حمل عسل چانت عاديه جداً مو مثلي انصدم وكأنو يعرف بهذا الخبر من قبل

ليث.. گوم اسر
شو گووووم وخابرلي فداء خل يجيب الدكتور لهنا ع السريع

اسر.. اي عمي صار

طلع اسر حتى يتصل بـ فداء
بقى بابا گاعد يم عسل وحاط راسها بحضنه لحد ما اندگ الجرس

گام ع السريع نزل جوه
شويه ورجع للغرفه هو وفداء واسر وياهم الدكتور
گبل طلعنه وظل بس بابا يمهم

ربع ساعه واحنه واگفين بالباب
خفت كلش ليش هالگد تأخروا بس لا صاير لاختي شي ومناوين يگلولنه

فجأه طلع الدكتور
عفناهم يحچون وطبينه الها اني وفيض وبيبي
بس شفتها بچيت

چانت حالتها صعب تنوصف
الوجه اصفر والعيون ذبلانه والمغذي بـ ايدها وشاديلها جهاز تنفس عرفت كلياتها هاجت عليها

تقربت منها چانت مفتحه
عسل حبيبتي تسمعيني هزي راسچ اذا تسمعين
ما تحركت ابد بس تباوع علينه حتى بدون مترمش