الحلقة ٥٤ من #مذاق_الحرمان
للكاتبة #لبنى_الموسوي
چنت واگفه بالمطبخ العصر
امسح بالطباخ وافكر شگد بعد لازم انتظر حتى اخلص من هذا الزواج
سمعت صوت بابا يصيحني
غسلت ايدي ورحت لگيته بأول المرر ينتظرني
نعم بابا
تعالي للاستقبال بنيتي
باوعت الماما لابسه عبايه
استغربت من منظرها بس ما اهتميت لأن فكري كله يم الكلام الراح اسمعه من ابويه
دخلت ورى چان اتفاجأ بمازن گاعد ويا
لا يا الله مو هذا الچنت انتظره
اني اريد اسمع خبر طلاگي مو جايبه وجاي حتى بكلمه وكلمتين ينهي كل شي ويرجعني للذل من جديد
نصيت نعم بابا
تعالي بنيتي مازن يريد يحچي وياچ
بس بابا اني ما اريد
قاطعني بسرعه
ليث.. اسمعي منه بويه وراها التردي يجرالچ
درت وجهي گعدت ع القنفه المقابيله
بس طلع بابا اجه گعد بصفي ولزم ايدي
سحبتها منه بنتره
خيال.. لتلزمني تسسسمع
مازن.. وتالي وياچ خيال
شوكت يحن گلبچ عليه وتنسين الصار
خيال.. من تطلگني
ساعتها مو بس انسى الصار لا بل حتى انت انساااك
مازن.. تدرين بيه احبچ
خيال.. بس اني ما احبك
مازن.. واني ما فكرتي بيه
ما گلتي هذا المسكين شلون راح يعيش بدوني بعد ما تعب يلا حصل عليه
هنا اني ما تحملت بعد اسكت اكثر من هالشي
درت وجهي خزرته لتتمسكن گدام خيال
تعرف منو خيال
خيال الكاشفتك على حقيقتك من اول يوم تزوجتها بي
مازن.. يا حقيقه هاي ؟!!
خيال.. هه بغداد مثلاً
مازن.. بغداد شنو
احچي بوضوح مگاعد افهم عليچ
خيال.. لا عيني تفهم بس ثاولها حتى لتتفشل گدامي
مازن.. وانتي من شوكت تعرفين بالموضوع
خيال.. گتلك من اول يوم تزوجتني بي
من خابرتك تبچي وتتوسل لأن عفتها واخذتني
مازن.. شي ماضي وراح
اني ما چذبت عليچ وگتلچ چان عندي علاقات هواي بس كلها انتهت بمجرد دخلتي الحياتي
خيال.. رجعت تچذب هههه
مو هي نفسها الگالتك مازن شوكت تلتحق لأن مشتاقتلك
مازن.. هاي شنووو
حضرتچ فاتحه جهازي وگاعد تتجسسين عليه واني ما ادري
خيال.. لا فاتحته ولا شي
اذا انت ٢٤ ساعه تتراسل وياها گدام
شـ شايفني غبيه لو ثوله حتى تفوت خيانتك من جوه رجلي واني مغمضه
كل شي توقعت من واحد مثلك
بس الما توقعته تطلع واحد قذر الدرجة تصادق بنات وتروح للحرام عينك كنت عينك بدون متحسب حساب لا لاهلك ولا الربك
