الحلقة ٦٥ من #مذاق_الحرمان
للكاتبة #لبنى_الموسوي
حللت وغمضت عيوني ادعي
يا رب مو حامل يا رب مو حامل يا رب يا رب
فتحت بقلق بس ما گدرت اباوع
درت وجهي وايدي على گلبي
احسه راح يوگف من الخوف وحتى النفس صعب يدخل الصدري بعد
قوي نفسج عسل
اول وتالي لازم تعرفين
باوعت ع الاختبار وهنا چانت الصدمه
خطين واضحات كلش لا يربي شنو يعني حاااامل
طلعت ع السريع
اخذت علاگه سوده من المطبخ
لفيت الاختبار داخلها وشمرته بالزباله
يا الهي دخيلك شگاعد يصير
اني ما اتحمل ابقى يم حسام وشهد على ذمته وبنفس الوقت مستحيل بابا واخواني يقبلون بطلاگي اذا صار عندي طفل منه
صعدت فوگ چانت خيال تنتظر خبر مني
اول مشافتني گمزت
وثول خرعتيني
بشري ولچ گلبي راح يوگف من التوتر
عسل.. ماكو
خيال.. يااا خطيه
عسل.. اسكتي لتحسسيها بشي
ربچ كريم اكيد إلا ما يجي يوم ويباوع الحالها هي واخوچ
خيال.. ونعم بالله
عسل.. يلا دتعالي ننزل يمها حتى انلهي نفسنه ترى روحي طگت
خيال.. انتي شبيچ ؟!!
عسل.. ما بيه بس ضايجه ومتكأبه والدنيا طالعه من عيني
خيال.. ههههه هذا كله وتگولين ما بيه
عفتها ونزلت اجت ورايه
دگينه الباب على فيض لگيناها مقفوله
شويه وطلعت النه لازمه راسها بـ ايدها وعيونها مغورگه بالدموع
عسل.. شبيچ ولچ ؟!!
فيض.. تعالن طبن
خيال.. تقرب من عسل وهمست بصوت ناصي
اخاف ضاجت لأن طلعت النتيجه سلبيه
عسل.. اششش
اسكتي يمعوده لتسمعچ
خيال.. شبيچ فيوض منو وياچ
فيض.. هاكم اقروا
عسل.. شنو
فيض.. دخذي مني وانتي تعرفين
عسل.. سحبت الموبايل من عدها
باوعت هاي صور محادثه بأسم فداء
قريتها بصوت عالي وخيال واگفه بصفي ظلينه وحده تباوع بوجه الثانيه من الصدمه ممصدگات الي گاعد نشوفه گدامنه
فيض.. ها شبيچن
خيال.. مستحيل
عسل.. اي والله مستحيل
لا يمكن اصدگ فداء يوصل الـ هالدرجه من الخسه والنذاله لا عيني لا اخويه ميسويها
فيض.. واني مثلچن
گلت وبعدني دا اگول مستحيل بس شلوووون
شعرف ميس بتفاصيل حياتنا
زواج حسام ومشكلتي مالت الحمل كل هذا منين عرفته واحنه منقطعين عنهم نهائياً
