مذاق الحرمان بقلم لبنى الموسوي الناقل آدم العربي

الحلقة ٥٨

الحلقة ٥٨ من #مذاق_الحرمان
للكاتبة #لبنى_الموسوي

ردت اسحب الموبايل دفعني ع الچربايه حيل
توني دا اگوم
ربط ايدي ع السريع وصار فوگايه يضحك بـ استهزاء

عسل.. وخر حسام

حسام.. ما

عسل.. اريد اگوم عفيه

ما جاوبني
فتح الروب بـ ايد والايد الثانيه مربطني بيها
بقى يباوع الجسمي من فوگ ليجوه بلعت ريگ وگتله بتردد

عسل.. هاي شدتسوي حسام !!

حسام.. مو هو هذا التردي لو اني غلطان

باوعتله فاتحه عيوني
ما احس إلا دنگ عليه يبوس بشفتي حيل

ما ادري شصار بيه بوقتها
مچنت ويا نهائياً
بالي كله يم جملته مو هو هذا التردي لو اني غلطان

صحيت من صفنتي بعده يبوس بيه
گبل دفعته بعصبيه
وخررررر شوووو
باوعلي وابتسم توقعت والله

عسل.. وشنو هو الـ توقعته ؟!!

حسام.. لا هيچ سلامتچ

گام سحب الروب على جسمي
غطاني وطلع من الغرفه
بچيت
اي بچيت على گد الأهانه الحسيت بيها بعد هذا الموقف

گمت من مكاني قفلت الباب
فتحت الكنتور طلعتلي تراك سود ولبسته ع السريع
رجعت فتحتها ورحت اتمدد ع الچربايه

مخنوگه كلش
بقيت ابچي لحد ما تعبت
ما اعرف اني الغلطانه لو هو بس المهم استاهل كل شي صار وكل شي راح يصيرلي بعد

سحبت الموبايل توني فتحته طب حسام
رجعته للميز وغطيت راسي
حسيت بي تمدد يمي بقيت هادئه انتظره ينام بس طول كلش

ما اعرف شچان يسوي
ولا اگدر اوخر الغطا عن وجهي حتى اشوفه
بقيت مغمضه والافكار تاكل براسي لحد ما غفيت بدون ما احس على نفسي

فتحت عيني على صوت المنبه
رفعت راسي گعد ويا گعدتي باوعلي ودار وجها عني

حسام.. صباح الخير

عسل.. صباح النور

حچيتها وگمت من يمه طلعت
غسلت وجهي ونزلت للمطبخ اسوي الريوگ
جهزته ع الميز ورجعت صعدت توني اريد اطب للغرفه فتح حسام الباب وطلع

عسل.. جهزتلك الريوگ بالمطبخ

حسام.. اي شكراً

حچاها ونزل حتى بدون ميباوع بوجهي
اختنگت كلش
ليش حسام تغيرت هيچ !!
چنت متوقعه كل الدنيا اتديرلي ظهرها إلا انت

بقيت افتر بالغرفه
اطلع شغل من جوه الگاع حتى اضيع وقت لحد ما صارت التسعه

نزلت جوه لگيت فيض توها گاعده
رحت سويت ريوگ الي والها وگعدنا نسولف هم الهيها وهم التهي وياها