مذاق الحرمان بقلم لبنى الموسوي الناقل آدم العربي

الحلقة ٣٠

الحلقة ٣٠ من #مذاق_الحرمان
للكاتبة #لبنى_الموسوي

حسام.. باوعت العمي وضعه تخربط وطاهر شكله قافل والحچي ويا لا يقدم ولا يأخر

قررت اتدخل ساعتها
لأزم اضحي لخاطر عمي لازم اتنازل عن مبادئي حتى اجازي تربيته وتعبه عليه بكل هالسنين الفاتت

حسام.. ممكن تهدون شويه وتسمعوني

ليث.. احچي وليدي احچي

حسام.. اني اريد اتزوج عسل اول متخلص العده

الكل صفن بوجهي متعجب
اما عمي فطلعت ردة فعله على شكل ابتسامه بس مچانت عاديه عرفته انصدم من قراري

حسام.. ها شنو شو ساكتين خيركم

طه.. تحچي صدگ انت لو تتشاقه

حسام.. وليش اتشاقه !!
هاي اختكم المستعرين منها اني اتشرف بيها وبنسبها صح غلطت وغلطها چبير بس تبقى بت عمي دمي ولحمي ومستحيل اتخلى عنها بالوقت الأنتو دتحاربوها بي

ثانياً تظل عسل الربيتها على ايدي وعاشرتها حتى اكثر منكم
يعني اني عندي ثقه بيها وبتربيتها واعرف العيبه متطلع منها ومتأكد تعلمت من غلطها واخذت درس قاسي متنسى كل حياتها وان الله غفورا رحيما

فداء.. حسام انت ممجبور
قاطعته قبل ليكمل كلامه

حسام.. ومنو گلك مجبور !!
ترى اني رجعت اطلب ايدها بارادتي مثل ما سابقاً عفتها بارادتي

مو حسام الينجبر على شي فداء
اني الاشوفه صح اسوي وكلام الناس عندي لا يقدم ولا يأخر

احتمال هسه بداخلكم تگلون عليه مخبل بلا كرامه مو رجال عادي احچوا مثل متريدون المهم اني مقتنع بعقليتي وتفكيري مادام ممسوي شي حرام ولا عيب

ليث.. ما عاش ولا كان اليحچي عليك هيچ بس اهلك شلون حسام
امك اخوك راح يقبلون بزواجك من عسل بعد كل شي صار

حسام.. اهلي عوفهم عليه
بس كل الأريده منكم يظل هذا الموضوع بيناتنا حالياً يعني لحد ما تكمل عسل عدتها وراها افاتحهم بالموضوع ولهذاك الوقت اسر هم يرجعلنه بالسلامه واگدر احچي ويا براحتي

ليث.. والله ما ادري شگولك وليدي

حسام.. شبيك عمي ليش متردد اكو شي ببالك وما اعرفه

ليث.. اني اريدلك الخير حسام

حسام.. ههههه ليش زواجي من عسل ما بي خير يعني

ليث.. راح تتعب وتعاني هواي سواء منها او من اهلك

حسام.. عادي متعود ع التعب مو جديده عليه السالفه
بس المهم ما اسوي شي انتم مراضين علي تحديداً انت وامي

ليث.. اذا عليك ما ارضى منو يستاهل رضاتي
روح وليدي گلبي وربي راضين عليك يالنشمي ما ضاعت تربيتي بيك والحمد لله من تعبي اتجازه بعد كل هالسنين بالوقت البي ابني المني وبيه ما جازاني و وگف مثل الرمح بوجهي