الحلقة ٤٨ من #مذاق_الحرمان
للكاتبة #لبنى_الموسويطلعت اركض
فتحت الباب ومشيت ع السريع اريد اوصل واشوف هذا النذل ليش مد ايده عليها ومنو سمحله بهالشيچان الشارع فارغ تقريباً
صح بعده الليل مصاير بس الدنيا حاره واغلب الناس لو بالشغل لو ببيوتها لو بالجوامع يصلون المغربوصلت الـ اول فرعهم
هستوني اريد اطب بي حسيت احد لزمني من ورى وگبل حط ايده على حلگي قبل ليطلع صوتيمن الخوف گلبي صار برجلي
دفعته حيل اريد اصيح بلكت احد يخلصني منه چان يهمس بأذني بصوت رجعني سنتين ليوره
اهدي عسل اني عماردرت وجهي علي بصدمه
گبل سحبني من ايدي قبل لا ابدي اي رد فعل
ظليت ادفع بي واصيح بس ما گدرت اخلص نفسي منه صعدني للسياره وقفل البيبان ع السريععسل.. نزلنننننننني
افتح الباب ونزلني عماااااارعمار.. اششش لتصيحين
ما اسويلچ شي بس نحچي شويه على شنو خايفه هيچعسل.. مخايفه بس ما اريد احچي وياك
يلا بسرعه نزلني خلي اوليباوعلي وابتسم
مشتاق حتى العصبيتچ تدرين لو لا
واني لعبانه نفسي منك ومن صوتك تدري لو لا
سكت ورجع كرسي السياره ليوره شمر نفسه علي
چان يدگ جهازي گبل سحبه من ايديعسل.. جيبه عمااااااار
انطيني الجهاز اكيد ماما ظل بالها يميعمار.. باوعله وهز راسه امممم حلووو
حسام موو
حسام عسل حسام
هسه صار هالنذل احق مني بيچعسل.. لتحچي علي تسمع لو لااااااا
يلا انطيني الجهاز خلي اجاوبه بسرررعهعمار..مو قبل ما احاچيچ
عسل.. ماكو حچي بيناتنا
صفگت ايد بـ ايد انتهى عمار كل شي انتهى
صارلنه اكثر من سنه هسه تذكرت وجايني تريد تحچيعمار.. هه هسه جاي !!
لچ تدرين اكثر من سنه واني اتلوع عليچ
تعرفين شنو يعني مگابل باب بيتكم وگاعد على امل ان اشوفچ حتى لو خطفتعرفين شنو يعني تصيرين گبالي وما اگدر احاچيچ
حتى بعرس اختچ چنت حاضر بس ما گدرت اسحبچ من الهوسه واحچي وياچ لأن ادري هي هاي نفسها ردة فعلچ وننفضح ساعتها بدون ما احصل نتيجهعسل.. ومنو سمحلك تراقبني من الاساس
عمار.. گلبي سمحلي
گلبي المحترگ بنار فراگچ صارله ايام وليالي واشهر هو السمحلي عسلعسل.. عمار كافي
شنحچي وليش نحچي وعلى شنو نحچي اصلاً
اني وياك خلص صفحه وتمزقت ستين قطعه لو تحط روحك بيها هم متگدر تلملمها وترجعها مثل مچانتعمار.. ليش گلبچ اسود عسل
شلون گدرتي تنسين حبي بهاي السهوله
شلون گدرتي تتجاوزيني بالوقت الاني ما گدرت اتجاوز حتى اسمچ