مذاق الحرمان بقلم لبنى الموسوي الناقل آدم العربي

الحلقة ١٩

الحلقة ١٩ من #مذاق_الحرمان
للكاتبة #لبنى_الموسوي

عسل.. عمار كليتي دا اموت

عمار.. سوده عليه بيه ولا بيچ الوجع
زين تعالي ويايه للحديقه اراويچ شي تحبي

عسل.. شنو هو !!

عمار.. دتعالي وراح تشوفين بعينچ

وخر القراصه من شعري عدله ورجع قرصه مره ثانيه
اسمع ام ياسر گامت تدردم ومسويتك خروف وطاح حظ رجولتك ومن هالحچي بس لا هو اهتم ولا اني

حضني وسند جسمي علي وطلعنه بره للحديقه
رفعت راسي وچان انصدم بفداء واگف گدامي ما صدگت عيوني معقوله هذا اخويه لو دا احلم

عمار.. يلا روحيله ليش واگفه

عسل.. نسيت كلشي وركضت الحضنه ابچي بحرگه
حبيبي اشتاقيتلك والحسين اشتاقيتلك ليش هيچ نسيتني وما سألت عني شلون هانت عليك عسل بس فهمني

فداء.. ما هنتي ولا تهونين بس الشغله مو بيدي
رفع راسي رجعت دفنت نفسي بحضنه محتاجه انام بين ضلوعه حتى تبرد نار الاشتياق المشتعله بصدري من يوم ما فارگتهم

عسل.. شنو نسيتوني ؟!!
احچي فداء ليش ساكت گول نسيتوني لو لا

فداء.. شو باوعي عليه كافي بچي وباوعيلي
مسح دموعي بـ ايده وصفن بوجهي : هاي شصاير بيچ عسل شنو مدتاخذين العلاج

عسل.. اشتاقيتلك

فداء.. واني هم اشتاقيتلچ بس جاوبي علاجچ دتاخذي لو مديجيبوا الچ

عسل.. مرات اخذه

فداء.. شنو يعني مرات !!
انتي تردين تموتين نفسچ باوعي الشكلچ بالمرايه شصاير بي إلا يصير عندچ فشل كلوي يلا يرتاحون

عسل.. درت وجهي للباب شفت عمار ما هو الظاهر دخل جوه حتى يخلينه براحتنه
فداء عمار ممقصر بس انت تعرف العلاج غالي وهو ميشتغل منين يجيبلي قابل يبوگ

فداء.. امشي غيري ملابسچ وتعالي بسرعه

عسل.. وين ؟!

فداء.. وين يعني
اخذچ الدكتورچ يشوف حالتچ شصاير بيها قبل لتموتين

عسل.. ميحتاج فداء بس

فداء.. رفع ايده بوجهي اششش لتعاندين امشي بدلي وفضيني
لزمتهه بسرعه

عسل.. هاي شنو فداء خطبت !!

فداء.. اي ومو وكتها هسه بعدين نحچي

عسل.. المن بس گول

فداء.. عسل تعبتيني ليش تخليني اسحلچ بملابس البيت

عسل.. لا هسه رايحه ابدل بس اوعدني تحچيلي كلشي عنكم

فداء.. اوعدچ بس استعجلي شويه

عسل.. تعال تفضل جوه خو متظل تنتظر بالباب

فداء.. لا راح اگعد بالسياره بس لتتأخرين